Lucas 20:5 - Maung a Balita Biblia

⁵ Nantetepetan ira, Antoy iyebat tayo? No ibaga tayon nanlapud Dios, ikuantod sikatayo, Akin et ag yo sinisiay Juan ey?

Maung A Balita Biblia

⁵ Nantetepetan ira, “Antoy iyebat tayo? No ibaga tayon nanlapud Dios, ikuantod sikatayo, ‘Akin et ag yo sinisiay Juan ey?’

Lucas 20:5 Referans Kwoze

Saray Gawgawa 13:25

Nen magano lan nasumpal so kimey nen Juan, imbaga tod saray totoo, Antoy abaloan yod siak? Aliwan siak so Cristo, balet sikatoy onsabin onsalat ed siak tan ag ak manepeg ya anggan mangekal na sandalya to.

Juan 3:36

Say manisiad Anak walay bilay ton andi-anggaan, balet say ag mangonur ed Anak ag nawalaay bilaymansiansia ingey pasnuk na Dios ed sikato.

Juan 3:26

Kanyan linma rad kinen Juan tan kuanda, Maistro, samay toon tinasian mo tan kaibam ed biek na Jordan et mamibinyag met la tan daragoen na amin a totoo.

Juan 1:34

Anengneng ko ya tan papaneknekan kod sikayo a sikatoy Anak na Dios.

Juan 1:30

Sikato ya may labay kon ibaga nen kuanko, Manona so manomtombuk ya onsalat ed siak lapud wala la kasakbayan a nianak ak.

Mateo 16:7

Nantotongtongan ya na saray disipulo. Inkuanda, Imbaga to ya, ta ag itayo nambalon na tinapay.

Mateo 21:25

Nanlapway pankatonungan nen Juan a maminyag, nanlapud Dios o nanlapud too? Nantetepetan ira, Antoy iyebat tayo? No ibaga tayon nanlapud Dios, ikuantod sikatayo, Akin et ag yo sinisiay Juan?

Lucas 20:4

nanlapway pankatonungan nen Juan a mambinyag, nanlapud Dios o nanlapud too?

Lucas 20:6

Balet no ibaga tayon nanlapud too, saray amin a totoo tupaken da tayoy bato, ta manisia ran propita si Juan.