Lucas 2:25 - Maung a Balita Biblia

²⁵ Walay lakin manaayam ed Jerusalem a say ngaran to et Simeon. Matonung tan maasingger ed Dios yan too, tan aalagaren to a nilaban so Israel. Walad sikatoy Ispiritu Santo

Maung A Balita Biblia

²⁵ Walay lakin manaayam ed Jerusalem a say ngaran to et Simeon. Matonung tan maasingger ed Dios yan too, tan aalagaren to a nilaban so Israel. Walad sikatoy Ispiritu Santo

Lucas 2:25 Referans Kwoze

Isaias 25:9

No nagawa la ya, say balang too ikuanto, Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.

Lucas 1:6

Matonung so pambibilay dan dua ed arap na Dios, tan diad panusumpal dan amiy ganggan tan bilin to, anggapoy pakabalawan ed sikara.

Lucas 2:38

Diad saman ya oras, linmad Timplo tan akisalamat ed Dios, insan nansalitay nipaakar ed kinen Jesus diad amin da ray manaalagar ed panondon na Dios ed Jerusalem.

Lucas 1:41

Nen nadngel nen Elizabet imay impangigalang nen Maria, ginmalaw so ogaw ed eges to. Napnoy Ispiritu Santo si Elizabet

2 Pedro 1:21

Ta anggapon balut so propisiyan nanlapud linaway too, no ag ingen diad impanpulong na saray totoo na salitay Dios, say Ispiritu Santo so angiwanwan ed sikara.

Isaias 40:1

Say Dios tayo kuanto, Ligliwa yo ray totook, Ligliwa yo ra!

Saray Gawgawa 24:16

Kanyan gagawaen koy anggaay nayarian ko a malinis lawas so konsinsiak ed arap na Dios tan saray totoo.

Saray Gawgawa 10:22

Inmebat ira, Imbaki kami dia nen Kapitan Cornelio. Maung iman a too, manangigalang ed Dios, tan igagalang na amin a Judio. Imbagad sikato na sakey a masanton anghil a paawit to kad abung to, tan ondengel ed antokaman ya ibagam.

Saray Gawgawa 10:2

Rilihioso yan too tan walay takot to ed Dios; ontan met na intiron pamilya to. Amayamay lay intutulong tod saray Judio, tan naynay a mampikasid Dios.

Lucas 1:67

Napnoy Ispiritu Santo si Zacarias ya ama na ogaw tan onyay propisiya to:

Mikias 6:8

Andi, imbagad sikatayo na Katawan no anto so maung. Say labay ton pagawad sikatayo saya: say panggawa tayo na katunongan, say pangipanengneng tayo na ag mangoman a panangaro tayo, tan say pambilay tayon mapaabeban masisiglaotan ed Dios.

Say Libro nen Job 1:8

Tinepet na Katawan, Naimanom si aripen kon Job? Anggapoy miparad sikato. Anggapoy pakabalawan ed sikato, matonung, walay takot tod siak, tan aarawian toy kaogsan.

Say Libro nen Job 1:1

Walay sakey a lakin manngaray Job a manaayam ed dalin na Uz. Anggapoy pakabalawan ed sayan too, matonung, walay takot to ed Dios, tan aarawian toy kaogsan.

Saray Bilang 11:29

Inmebat si Moides, Nununoten mo so pankaabigan ko? Oy la komun a say Katawan et iter tod amin a totoo to so ispiritu to tan paeyagan to ran amin a singa saray propita!

Genesis 6:9

Saya so impanbilay nen Noe. Wala ray taloran anak ton lalaki a di Sem, Ham, tan Jafet. Si Noe labat so maung a too nen panaon to. Anggapoy pakabalawan ed sikato, ta kaibiba toy Dios.

Saray Bilang 11:25

Insan inmakseb a walad lorem so Katawan tan akisalitad kinen Moises. Angala ed ispiritu ya inter tod kinen Moises tan inter tod sikara. Nen dinmapod sikara so ispiritu, ginapwan day inmeyag a singa saray propita, balet ag nambayag.

Deuteronomio 18:15

Ingen, mangibaki ed sikayo na sakey a propita a singa siak a manlapud saray totoo yo, tan nepeg ya onuren yo.

Saray Gawgawa 2:5

Wala ray Judion nanlalapud amin a bansa ed intiron mundo, a manaayam ira natan ed Jerusalem tan totoo ran manangigalang ed Dios.