Lucas 19:47 - Maung a Balita Biblia

⁴⁷ Nambabangat si Jesus ya inagew-agew ed Timplo. Saray manonan papari, saray iskriba, tan saray manonad baley et labay dan pateyen si Jesus.

Maung A Balita Biblia

⁴⁷ Nambabangat si Jesus ya inagew-agew ed Timplo. Saray manonan papari, saray iskriba, tan saray manonad baley et labay dan pateyen si Jesus.

Lucas 19:47 Referans Kwoze

Marcos 11:18

Sayan inkagawa nadngelan na saray manonan papari tan saray iskriba, kanyan ginapoan day mananap na pakapatey dad kinen Jesus. Antakot irad sikato lapud mankelaw iray totoo ed saray bangat to.

Mateo 26:55

Insan inkuanen Jesus ed saramay totoo. Akin et sankaawit yo ray ispada tan pekpek a mangerel ed siak? Tulisan ak sirin? Inagew-agew ak a nanyoyorung a nambangat ed Timplo, balet ag yo ak inerel.

Juan 18:20

Inmebat si Jesus, Ag ko iyaamut so pampapaliwawak ed saray totoo. Mambabangat ak a naynay ed saray sinagoga tan diad Timplo a pantitiponan da ray Judio. Ag ak balut nansalitad maamut.

Juan 10:39

Sinali ra lamet ya erelen, balet imbatikan to ra.

Juan 7:44

Labay ya erelen na arum, balet anggapoy aningkat ed sikato.

Juan 7:19

Ag ta inter la nen Moises so Ganggan ed sikayo? Balet anggapod sikayoy mangoonur. Akin et labay yo ak a pateyen?

Marcos 14:1

Duay agew labat la natan kasakbayan na Pista na Paskua tan pista na Tinapay ya Anggapoy Libadura. Saray manonan papari tan saray iskriba manaanap iray pankanawnawan mangerel a maamut ed kinen Jesus, insan da pateyen.

Marcos 12:12

Sinali na saray manonan Judio ya erelen si Jesus lapud atebek dan nipaakar ed sikaray sasalitaen to ed sayan alimbawa. Balet antakot irad saray karaklan, kanyan pinaolyan da la tan tinmaynan la ra.

Mateo 21:23

Pinmawil si Jesus ed Timplo. Nen peles ton mambabangat, dinago na saray manonan papari tan saray mamatakken a Judio tan tinepet dad sikato, Antoy pankatonungan mon manggawad saraya? Siopay angiter ed sika yan pankatonungan?

Marcos 14:49

Inagew-agew ak a nambabangat ed Timplo tan wadman kayo met, balet ag yo ak inerel Balet nakaukolan a nasumpal so ibabagay Masanton Sulat.

Lucas 19:48

Balet ag da amta no panoy pamatey da, ta agaylay karerengel ed sikato na amin da ray totoo.

Lucas 20:19

Saray iskriba tan saray manonan papari ginetma ran erelen si Jesus ed saman a bekta, lapud amta ran sikaray papasikian tod sayan alimbawa. Balet ag da ya nagawaan, ta antakot da ray totoo.