Lucas 15:5 - Maung a Balita Biblia

⁵ No nalmo to la, sakbaten to diad pakaliliket to.

Maung A Balita Biblia

⁵ No nalmo to la, sakbaten to diad pakaliliket to.

Lucas 15:5 Referans Kwoze

Saray Hebreo 12:2

Ag tayo nepeg ya alisay mata si Jesus a sikatoy nanlapwan tan pansumpalay pananisia tayo. Lapud liket a manaalagar ed sikato, ag to imbaing so ompatey ed krus, tan akayorung natan ed nikawanay trono na Dios.

Lucas 19:9

Inkuanen Jesus ed sikato, Say kilalaban sinmabi natan ed sayan abung, ta anak met nen Abraham yan too.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Lucas 23:43

Inkuanen Jesus ed sikato, Kuankod sika: diad sayan agew, kaiba mo ak ed Paraiso.

Lucas 15:32

Balet nakaukolan a manliket tan mampista itayo, ta inatey yay agim, balet mabilay la; abalang, balet nalmo la!

Ezekiel 18:23

Abaloan yo a maliket ak a makanengneng ed maoges a too ya ompatey? tepet na Katawan a Dios. Andi, labay ko nin sikatoy nanengneng kon magbabawi tan mambilay.

1 Pedro 1:5

Lapud mananisia kayo, sasalimbengan kayo na pakayariy Dios legan yon aalagden so kilalaban ya akaparaan lan nipaamta ed kaonuray panaon.

2 Timoteo 2:26

Diad satan, ompawil irad dugan liknaan da tan nibatikan day patit nen Diablo ya angerel tan amasoot ed sikaran mangonur na linawa to.

1 TESALONICA 1:5

Ta say Maung a Balita et impulong mid sikayo aliwan diad panamegley na salita labat, no ag ingen nantekep na pakayari, tan diad tulong na Ispiritu Santo, tan ag min balut nanduaruwaan so katwaan to. Anengneng yo no panoy impanbilay mi nen wadtan kami. Ginawa mi man a pankaabigan yo.

TAGA-EFESO 3:7

Lapud nidoma-doman langkap na Dios ya inter tod siak, onung na impankimey na pakayari to, nagmaliw ak ya aripen a managpulong na Maung a Balita.

TAGA-EFESO 2:10

Say Dios so Manamalsa tayo, tan diad pikakasakey tid Cristo Jesus pinalsa to itayo a manggaway maung iran gawa a say Dios imparaan to la ran sumpalen tayo.

Juan 15:11

Imbagak ira yad sikayo, pian niwala ed sikayo so liket ko, tan nayadyari so liket yo.

Sofonias 3:17

Walad sika so Katawan a Dios mo; panaloen ka na pakayari to. Manliket so Katawan ed sika, tan lapud panangaro to itdan to kay balon bilay Mankanta tan manliket ed sika,

Mikias 5:4

No sikatoy onsabi, oleyan to ray totoo to idad panamegley na biskeg a manlalapud Katawan; walad sikato so dilin pakapanyari na Katawan a Dios. Mambilay ya arawid kaatapan iray totoo to, lapud birbiren na saray katoowan ed intiron mundo so inkatalonggaring to,

Ezekiel 33:11

Ibagam ed sikara a legan a siak so mabilay a Katawan a Dios, ag ko panliketan so ipatey na toon makasalanan. Labay ko ingen a magbabawid saray kasalanan to tan mambilay. Israel, tondaan mo lay kaogsan a gagawaen mo. Akin et labay moy ompatey?

Isaias 63:9

amin a kairapan da. Aliwan anghil, no ag ta say Katawan, so angilaban ed sikara. Lapud panangaro tan panangasi to dinondon to ra. Nen imbeneg iran panaon inaasikaso to ra lawas,

Isaias 62:12

Natawag kayo na Saray Masanton Totoo Na Dios, Saray Totoon Inlaban na Katawan. Say Jerusalem natawag na Say Siudad Ya Inaro Na Dios, Say Siudad Ya Ag Pinaolyan Na Dios.

Isaias 62:5

Singa sakey a balolakin mangaasawa na sakey a birhin, Say anibokel ed sika asawaen to ka. No panoy panliket na nubio ed nubia to, Ontan met so panliket ed sika na Dios mo.

Lucas 15:4

No bilbilang ta sakey ed sikayoy walay sanlasus a karniro et abalang so sakey, antoy gawaen to? Taynan tod alog ira may siamaplo tan siam a karniro, insan to anapen imay abalang a karniro, anggad ag to pakalmo.

Lucas 15:6

Kasabi tod abung, imbitaan to ray kaaro tan saray kakaabay to. Miliket kayod siak, ikuanto, ta nalmok so karniron abalang ko!