Lucas 13:25 - Maung a Balita Biblia

²⁵ No inmalagey lay panguloy pamilya tan inkaput to lay puirta, wala kayod paway tan ontoktok kayo. Katawan, inkuanyo, lokasan mo kami pa! Onebat ed satan, Ag ko amta no taga iner kayo!

Maung A Balita Biblia

²⁵ No inmalagey lay panguloy pamilya tan inkaput to lay puirta, wala kayod paway tan ontoktok kayo. ‘Katawan,’ inkuanyo, ‘lokasan mo kami pa!’ Onebat ed satan, ‘Ag ko amta no taga iner kayo!’

Lucas 13:25 Referans Kwoze

Lucas 13:27

Balet ikuanto lamet, Ag ko amta no iner so nanlapoan yo. Arawi kayod siak, sikayon managgaway kaogsan!

Lucas 6:46

Akin et tatawagen yo ak na Katawan, Katawan! et ag yo lamlamang totombukey ibabagak?

Mateo 25:41

Insan ikuantod saray walad nikawigi to, Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Isaias 55:6

Pawil kayod Katawan tan mampikasi kayod sikato, natan ta asingger ni.

Saray Hebreo 12:17

Kabat yo ya ag abayag kasumpal to man, kinerew tod ama to so bindision a para pangulowan. Balet ag niiter yad sikato, ta anggapo lay pankanawnawa ton magbabawid ginawa to, anggaman a nanakis ed impampilalek to.

2 CORINTO 6:2

Ta ibabaga to, Dinengel ta ka ed manepeg a panaon, tinulongan ta ka ed agew na panangilaban. Dengel kayo! Natan so manepeg ya oras a pangawat na panangasiy Dios! Natan so agew na kilalaban!

Saray Salmo 32:6

Kanyan amin a matoor a totoom et nepeg day mampikasid sika no panaoy pankaukolan; no onsabiy baleg a delap na gunigon, ag nasabiy kawalaan da.

Genesis 7:16

iray kaiba nen Noe a linmoob ed biong. Insan kinaputan na Katawan si Noe ed dalem na biong.

Lucas 3:8

Ipanengneng yod panagbilay yo sirin a binenegan yo la ray kasalanan yo. Tan ag yo ibagbagad sikayon dili, Anak kami nen Abraham. Kuankod sikayo a nayarian na Dios a pagmaliwen ya anak nen Abraham ira yan bato.