Lucas 13:24 - Maung a Balita Biblia

²⁴ Gawa yoy anggaay nayarian yon onloob ed mainget a puirta, ta kuankod sikayo: amayamay iray totoon mampilalek ya onloob, balet ag da nayariay onloob.

Maung A Balita Biblia

²⁴ “Gawa yoy anggaay nayarian yon onloob ed mainget a puirta, ta kuankod sikayo: amayamay iray totoon mampilalek ya onloob, balet ag da nayariay onloob.

Lucas 13:24 Referans Kwoze

2 Pedro 1:10

Kanyan agagi, bangta tinawag tan pinili kayoy Dios, pansesegan yoy malet a pansiansia yo ed sayan kipapasen; no gawaen yo ya, ag yon balut ikaindan so pananisia yo.

Saray Hebreo 4:11

Kanyan gawaen tayoy anggaay nayarian tayo a makapampainawa onung na insipay Dios. Ag tayo nepeg ya aligen ira may sinmumlang, kanyan ag ira akaloob.

Lucas 21:36

Kanyan nakaukolan a sipaparaan kayo lawas tan ag yo totondaay mampikasi, pian nawalaan kayoy biskeg ya ompaliis ed amin da ra yan nagawa, tan makapiarap kayod Anak na Too.

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Juan 6:27

Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.

Probirbio 21:25

Say toon mangiras ya ag to labay so mankimey et papateyen to labat so sikaton dili;

Saray Taga Roma 10:3

Lapud ag da amta so panamaandi na Dios ed kasalanay too, sineetan day angiletneg na dili ran polaing, tan ag ira tinmoluk ed panamaandi na Dios ed kasalanay too.

COLOSAS 1:29

Pian nagawa ya, mankikimey tan mansasagput ak a maung, onung na pankikimey ed siak na mabiskeg a pakayari nen Cristo.

Juan 7:34

Anapen yo ak ed satan et ag yo ak narumog, ta ag kayo makaonla ed laen ko.

Ecclesiastes 10:15

Say makulang-kulang maininomay a nakesawan no mankimey, ta ag to amtay anggan onsempet.

Juan 8:21

Inkuan lamet nen Jesus ed sikara, Onla ak la et anapen yo ak, balet ompatey kayod saray kasalanan yo. Ag kayo makaonla ed laen ko.

Isaias 1:15

Onlingaw ak ed biek no itagey yo ray lima yo a mampikasi. Ag ta kayo dengelen anggan mansosoldungay pikakasi yo, lapud dala ya amin so lima yo.

Mateo 11:12

Nanlapud impampulong nen Juan a Managbinyag ya anggad natan, nanairapan a maung so Panariay tawen tan sasamsamen na masesebeg a totoo.

Probirbio 14:6

Ag balut narumog na saray totoon mapaatagey so kakabatan, balet saray totoon walay pakaamta mainomay toy manaral.

Juan 13:33

Anak, maganggano lay piolup kod sikayo. Anapen yo ak naani, balet ibagak natan ed sikayo may imbagak lad saray Judio, Ag kayo makaonla ed laen ko.

Lucas 13:23

Walay toon anepet ed sikato, Maistro, daiset kasiy totoon nilaban? Inmebat si Jesus ed sikara,

Josue 7:3

inkuandad kinen Josue: Ag la nakaukolan a dogpaan na balang sakey ed sikatayo so Ai. Mangibaki ka labat na sakey a duara odino taloran libo a lalaki. Ag mo ibabaki ray amin a sondalod man a mibakal; aliwan baleg man a siudad.