Lucas 12:16 - Maung a Balita Biblia

¹⁶ Sinalita nen Jesus ed satan so sakey ya alimbawa: Walay sakey a mayaman a too. Dakel so naani tod dalin to.

Maung A Balita Biblia

¹⁶ Sinalita nen Jesus ed satan so sakey ya alimbawa: “Walay sakey a mayaman a too. Dakel so naani tod dalin to.

Lucas 12:16 Referans Kwoze

Oseas 2:8

Ag ton balut birbiren a siak so angiter ed sikato na trigo, alak, larak na oliba, tan amin a balituk tan pilak ya inkakana tod impangigagalang tod Baal.

Saray Salmo 73:12

Ontan iray totoon maoges. Anta daakan lay walad sikara, mandakel lan mandakel niy kayaryan da.

Saray Salmo 73:3

ta angimon ak ed saray mapaatagey, nen anengneng kon onaaligwas iray totoon maoges.

Say Libro nen Job 12:6

Balet mambibilay ed kareenan iray matatakew tan saray anggapoy takot ed Dios, anggaman a say dios da labat et say dilin biskeg da.

Saray Gawgawa 14:17

Balet ag tinmondan mangiter na pakabirbiran yod sikato, diad panamegley na kamaungan a gagawaen to. Iitdan to kayoy oran a manlalapud tawen tan maung a panagani ed niganan panaon to. Iitdan to kayoy nakan, tan papanoen toy likey iray puso yo.

Mateo 5:45

pian nibilang kayon tuan anak na Ama yon walad tawen. Ta say agew to ipapasinag tod saray maoges tan diad saray maung a totoo, tan mangiiter na oran ed saray manggagaway kaogsan tan diad saray manggagaway kaabigan.

Ezekiel 16:49

Say Sodoma tan saray anak ton bibii et mapasirayew ira lapud daakan so tagano ra nen saman tan nambibilay iran mareen, balet ag da inaasikaso iray mairap-bilay tan saray walad pankaukolan.

Mateo 13:8

Wala met iray ilik a dinmapod mabonan dalin tan nambunga ra. Wala ray nambungay sanlalasus, wala ray sananemaplo, tan wala met iray santatalomplo.

Lucas 12:15

Insan inkuantod sikaran amin, Manalwar kayo tan paliisan yoy amin a klasiy inkaagum; ta say kayamanan, anggan antoy karakel, anggapoy pibabalian tod tuan inkatoo na anggan siopa.

Lucas 12:17

Nannunot tan inkuantod sikaton dili, Anto kasiy gawaen ko, et anggapo lay napanginan koy naanik?

Say Libro nen Job 24:23

Nayarin say Dios pambilayen to ya arawid kaatapan, balet ag to alisay mata anggan kapigan.