Lucas 12:15 - Maung a Balita Biblia

¹⁵ Insan inkuantod sikaran amin, Manalwar kayo tan paliisan yoy amin a klasiy inkaagum; ta say kayamanan, anggan antoy karakel, anggapoy pibabalian tod tuan inkatoo na anggan siopa.

Maung A Balita Biblia

¹⁵ Insan inkuantod sikaran amin, “Manalwar kayo tan paliisan yoy amin a klasiy inkaagum; ta say kayamanan, anggan antoy karakel, anggapoy pibabalian tod tuan inkatoo na anggan siopa.”

Lucas 12:15 Referans Kwoze

Saray Hebreo 13:5

Nepeg ya aliwa kayon lupay kuarta, tan pasarag yoy walad sikayo. Ta inkuay Dios, Ag ta kan balut paolyan o taynan.

Probirbio 15:16

Maung niy mairap-bilay a walay panamagalang ed Katawan, nen say mayaman a walad gunigon.

Probirbio 16:16

Maung nin amimpiga so nawalaan na kakabatan tan pakaamta nen say nawalaan na balituk tan pilak.

2 Timoteo 3:2

Magmaliw a saray totoo maaro rad kuarta tan maaro rad sikaran dili, mapanta, mapaatagey, managpaoges, ag da onuren iray atateng da, ag da amtay mamirbir na maung a linawa, tan ibeneg day pananisiad Dios;

Lucas 16:14

Nadngelan na saray Pariseo ira yan amin, et nilemlemew day Jesus ta maagum irad kuarta.

COLOSAS 3:5

Kanyan ibantak yo la ray mangaraldalin a pilalek yo, a singa saraya: inmoralidad, kabandayan, maoges a pilalek na laman, maoges a getma, agom (ta say kinaagom et sakey a klasiy panangigalang ed talintaoy dios).

Lucas 8:14

Saramay ilik a dinmapod kasabitan aliling day totoon ondedengel, balet dederalen ira na saray gunigon, kayamanan, tan minumundon likeliket na panagbilay, kanyan ag ontatakken iray bunga ra.

Saray Salmo 62:10

Ag yo panmamatalkay panagduksa; ag yo iilaloan a walay nagonggona yod panagtakew; anggan ondakel so kayamanan yo, ag yo panmamatalkan.

Saray Salmo 37:16

Say daiset a kayaryay toon matonung et maung ni nen say kayamanan na amin da ray totoon maoges,

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!

Marcos 7:22

pikakaloguran, panagagom, tan amin iray kaogsan a singa panagsaol, panaggaway karumsisan, panagimon, panagpaoges ed kaparan too, panagpaatagey na linawa, kaambagelan.

Habacuc 2:9

Pakaskasi kayo la! Pinapayaman yo ray pamilya yo lapud saray impansasamsam yod saray ag yo kayaryan, tan impagmaliw yon arawid sulit tan kaatapan iray kaabungan yo.

Saray Salmo 10:3

Say toon maoges ipapanta toy maoges iran pilalek to; say toon maagom aayewen tan ipopolisay toy Katawan.

Say Libro nen Job 2:4

Inmebat si Satanas, Ag kawananen na too so amin a kayaryan to dapot mambilay.

Josue 7:21

Diad saramay asamsam akanengneng ak na marakerakep a kolibemben a nanlapud Babilonia, sakey a duaran kilon pilak, tan sakey a baritan balituk a mambelat na kapalduay kilo. Mapalaloy impanlabay kod saraya, kanyan inalak ira. Narumog yo ran akakotkot ed dalem na tuldak; walad daledalem so pilak.

1 CORINTO 6:10

saray matakew, saray managlames, saray buanges, saray managpabaing, tan saray maagomanggapod sarayan totoo so makatawir ed Panarian na Dios.

Lucas 21:34

Manalwar kayo! Ag kayo mapalalon kapaakan tan kapabuek, tan ag kayo met kapagunigon ed panagbilay yo, ta ompan biglan onsabid sikayo yan Agew

Mikias 2:2

No labay day kaologan, sakopen da ra; no labay day kaabungan alaen da ra. Maatap so kipapasen na amin a pamilya na balang too odino say kayaryan to.

Jeremias 6:13

Balang sakey, atagey may abeba so kipapasen, mansasaol ed panaanap toy kuarta; anggan saray propita tan saray papari et sasaolen da ray totoo.

Probirbio 28:16

Say manoley ya ag to ikakanay olo to et magmaliw a maruksan managpairap, balet say manoley a kabosul toy panagsaol et andokey so panoley to.

2 Pedro 2:14

Panliliketan dan maung so inengneng dan naynay ed saray bibiin marotak. Ag ira onsasawad panggagawa ray kasalanan. Isosonson dad kasalanan iray makapoy ed pananisia. Pasal dan agoman iray kapara ran too. Naayew ira yan totoo!

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Lucas 12:16

Sinalita nen Jesus ed satan so sakey ya alimbawa: Walay sakey a mayaman a too. Dakel so naani tod dalin to.

1 Saray Arari 2:40

kinabayoan toy asno to tan linmad Gat diad kinen Ari Akis, ta anapen to ray aripen to. Nalmo to ra, kanyan insempet to ra.