Lucas 11:53 - Maung a Balita Biblia

⁵³ Nen sinmiput lay Jesus ed saman ya abung, ginapoan na saramay iskriba a binalaw-balaw a maung tan tinepettepetay amayamay a bengatla,

Maung A Balita Biblia

⁵³ Nen sinmiput lay Jesus ed saman ya abung, ginapoan na saramay iskriba a binalaw-balaw a maung tan tinepettepetay amayamay a bengatla,

Lucas 11:53 Referans Kwoze

1 CORINTO 13:5

say aro aliwan mabanday so kagagawa to, aliwan masiblet, o maipapasnuk; ag mamopokuk na sakit na linawa.

Lucas 20:27

Wala ray pigaran Saduseo a linmad kinen Jesus. (Sikara yay mangibabagan ag onolid bilay iray inaatey.) Tinepet da,

Lucas 20:20

Kanyan inalagar day pankanawnawan mangerel ed sikato. Wala ray inopaan dan totoo a mankonkonwariyan a maung iran totoo. Imbaki da ran mangerel ed kinen Jesus, diad panamegley na pantepet da, pian nipalima rad pakayari tan pakaoley na Gobirnador.

Jeremias 20:10

Narerengel koy paneesaesan na saray karaklan, Makapataktakot ed anggan iner a pasen! Kanyan idalem tayod saray makankanepegan! Anggan saray kakaarok a malet aalagden day kapelag ko. Angangko nayarin palikdoen, kuanda; naerel tayo sirin tan makabawi tayo.

Jeremias 18:18

Insan inkuan na saray totoo, Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.

Isaias 9:12

Say Siria ed bokig tan say Filistia ed sagur sinmangi ran mangakmun ed Israel. Anggaman ontan ag ni tinmonda so pasnuk na Katawan, so ag ingen siansia nin akaonat so lima ton manusa.

Lucas 11:52

Pakaskasi ki la, sikayon makabat ed Ganggan! Inyamut yoy tombuk a panaglokas na puirtay abung na kakabatan. Anta ag yo la labay so onloob, sesebelan yo ni ray malabay ya onloob!

Lucas 11:54

ta labay dan naeral ed panagsalita to.

Saray Gawgawa 26:9

Abaloan ko met nen saman a nepeg kon gawaey amin a nayarian ko a panumlang ed ngaran nen Jesus a taga Nazaret.

2 CORINTO 8:6

Kanyan tinanggoyur miy Tito ya ituloy to yan kimey ya inggapo to, tan ibaan to kayon manumpal ed sayan nidoman panaglingkur lapud aro.