Lucas 10:16 - Maung a Balita Biblia

¹⁶ Inkuantod saray disipulo to, Siopamay ondengel ed sikayo, siak so dengelen to. Siopamay mangipolisay ed sikayo, siak so ipolisay to; tan say mangipolisay ed siak, say angibakid siak so ipolisay to.

Maung A Balita Biblia

¹⁶ Inkuantod saray disipulo to, “Siopamay ondengel ed sikayo, siak so dengelen to. Siopamay mangipolisay ed sikayo, siak so ipolisay to; tan say mangipolisay ed siak, say angibakid siak so ipolisay to.”

Lucas 10:16 Referans Kwoze

Juan 13:20

Ibagak ed sikayoy katwaan: say mangawat ed siopaman ya imbakik awaten to ak met, tan say mangawat ed siak awaten to met so angibakid siak.

Mateo 10:40

Say mangawat ed sikayo awaten to ak met, tan say mangawat ed siak awaten to met so angibakid siak.

1 TESALONICA 4:8

Kanyan siopamay mangipolisay ed sayan bangat, aliwan say too so ipolisay to, no ag ingen say Dios a mangiiter ed sikayoy Ispiritu Santo to.

Juan 12:48

Walay mangiter na sintinsia ed siopaman a mangipolisay ed siak tan ag mangawat ed saray salitak. Say salitan impulong ko so manintinsiad sikato diad kaonuran ya agew.

Juan 12:44

Inkuanen Jesus ed maksil a bosis, Say toon manisiad siak et, aliwan siak et labat so panisiaan to, no ag ingen pati say angibakid siak et.

Marcos 9:37

Siopamay mangawat ed sakey a singa sayan ogaw lapud siak awaten to ak; tan siopamay mangawat ed siak, aliwan siak labat lay awaten to, no ag ingen pati say angibakid siak.

Mateo 18:5

Tan siopamay mangaawat ed sakey a singa sayan ogaw lapud siak, aawaten to ak.

Malakias 1:6

Say Katawan a Makapanyarin-amin kuantod saray papari, Say anak papagalangan toy ama to, tan say aripen papagalangan toy amo to. Siak so ama yoakin et ag yo ak pagalangan? Siak so amo yo, akin et ag yo ak itday galang? Babalawen yo ak balet tetepeten yo, Panoy pamabalaw mid sika?

Saray Gawgawa 5:4

Kasakbayan mon inlakoy dalin kayaryan mo, anto? Kapangilakom, kayaryan mo met imay kuartan nanlakoan mo, anto? Akin et anunotan mo ni yan ginawa? Aliwan say too so tinilaan mo, no ag say Dios!

Lucas 9:48

Insan kuantod sikara, Siopamay mangawat ed sayan ogaw lapud ngaran ko, awaten to ak; tan siopamay mangawat ed siak, awaten toy angibakid siak. Ta say sankaabebaan ed sikayon amin, sikatoy manona.

Saray Bilang 16:11

No manriklamo kayo a sumpad kinen Aaron, say Katawan a talaga so susumlangen yo, sika tan saray kagampim.

Saray Bilang 14:11

Say Katawan kuantod kinen Moises, Kapigay pangangga na pangipopolisay ed siak na sarayan totoo? Kapigay pangangga na ag da panmatalek ed siak, anggaman ya amayamay iray milagron ginagawak ed arap da?

Exodo 16:7

Diad kabwasan nanengneng yoy kagalangan na Katawan. Nadngel to ray riklamo yo a sumpad sikatoon, sumpad sikato, ta susumpalen mi labat iray bilin to.

Saray Bilang 14:2

Nanriklamo ra sumpad kindi Moises tan Aaron a kuanda, Magmaung ni komun no inaatey itayo lad mad Egipto odino diad kalawakan!

Exodo 16:8

Insan inkuanen Moises, Diad labi say Katawan so mangiter ed sikayo na karnin kanen yo tan diad kabwasan, say tinapay ya anggan anto lay karakel na labay yo, lapud nadngel to no panoy impanriklamo yo sumpad sikato. Say katwaan to, no manriklamo kayo sumpad sikami manririklamo kayo sumpad Katawan.

TAGA GALACIA 4:14

Balet ag yo ak binalaw o impolisay lapud liliknaen na laman ko, anggaman a sakey yan baleg a subok ed sikayo. Inawat yo ak ingen a singa anghil na Dios, tan nagkalalo ni, singa si Cristo Jesus!