Lucas 1:72 - Maung a Balita Biblia

⁷² Imbaga to met a kasian to ray lalaki tayo, tan nunoten toy masanton impisipanan to.

Maung A Balita Biblia

⁷² Imbaga to met a kasian to ray lalaki tayo, tan nunoten toy masanton impisipanan to.

Lucas 1:72 Referans Kwoze

Saray Salmo 106:45

Lapud sikara, anunotan toy impisipanan to, tan lapud baleg a panangaro to nansalat na kanunotan.

Mikias 7:20

Ipanengneng moy inkatoor tan say ag mangoman a panangarom ed saray totoom, saray kabyangay boleg di Abraham tan Jacob, onung na insipan mod saray lalaki mi, nen saman nin panaon.

Levitico 26:42

nunoten koy impisipanan kod kinen Jacob, tan diad kinen Isaac tan diad kinen Abraham, tan pasimbaloen koy sipan ko ya iter kod saray totook so dalin.

Saray Taga Roma 11:28

Lapud ag inawat na saray Judio so Maung a Balita, nagmaliw iran kalaban na Dios. Balet sikayo ran Hintil, pankaabigan yo ya. Balet lapud pinili ra na Dios, inararo to ni ra makasengeg ed saray inmonan atateng da.

Ezekiel 16:60

Balet ag ko lingwanan imay impisipanan kod sika nen ogaw ka ni, tan migawaan ak ed sika na sipanan a magnayon.

Genesis 28:14

Magmaliw iran singa karakel na dabuk ed dalin. Onkayat ira ed amin a sokung na mundo, tan diad panamegley mo tan saray kabyangay boleg mo, bindisionan ko ray amin a bansa.

Genesis 26:4

Singa karakel na bitewen ed tawen iray iter kod sikan kabyangay boleg mo, tan iter ko yan amin a pasen ed sikara. Amin a bansa kerewen dad siak a bindisionan ko ra a singa pamindision kod saray kabyangay boleg mo.

Ezekiel 16:8

Nen ondadalan ak lamet, anengneng kon sinmabi lay panaon na panibeg mo. Kinobutan ko na latup ko so laman mo tan insipan kon aroen ta ka. Akisipanan ak ed sikan asawaen ta ka, et sikay nagmaliw a kien ko. Sikato yay imbaga na Katawan a Dios.

Saray Salmo 111:5

Iitdan toy kakanen iray mangigagalang ed sikato; nununoten to lawas so impisipanan to.

Saray Salmo 98:3

Sinumpal toy insipan tod saray totood Israel, a katekep toy ag mangoman a panangaro tan say inkatoor tod sikara. Anengneng na amin a katoowan so impanalo na Dios tayo.

Genesis 22:18

Nabindisionan iray amin a bansad mundo a singa impamindision kod saray kabyangay boleg molapud inonur moy ganggan ko.

Genesis 12:3

Bindisionan ko ray mamindision ed sika, Balet isambak iray mangisambad sika. Diad panamegley mo bindisionan kon amin iray bansa ed mundo.

Saray Salmo 105:42

Anunotan toy masanton sipan to ed kinen Abraham ya aripen to.

Saray Taga Roma 9:4

Israelita ra tan pinili na Dios iran totoo to. Ginawa to ran anak to tan impinabang to rad kagalangan to. Akisipanan ya amimpiga so Dios ed sikara tan inter tod sikaray Ganggan. Walad sikaray matwan panagdayew ed Dios, tan inawat da ray sipan na Dios.

1 Saray Awaran 16:16

say impisipanan tod kinen Abraham, say sinambaan tod kinen Isaac.