Lucas 1:65 - Maung a Balita Biblia

⁶⁵ Ataktakot iray kakaabay da tan kinmayat yan balita ed intiron nipokdul a pasen na Judea.

Maung A Balita Biblia

⁶⁵ Ataktakot iray kakaabay da tan kinmayat yan balita ed intiron nipokdul a pasen na Judea.

Lucas 1:65 Referans Kwoze

Lucas 1:39

Ag abayag, maganat a linmay Maria ed sakey a nipokdul a baley na Judea.

Saray Gawgawa 5:11

Ataktakot a maung so intiron iglisia tan amin ya akabalitad saya.

Saray Gawgawa 5:5

Kadngel nen Ananias ed saya, atumba tan inatey. Sinmabiy baleg a takot ed amin ya akadngel ed saya.

Saray Gawgawa 2:43

Lapud saray amayamay a milagro tan pakelaw a ginagawa da ray apostol, mankelaw iray amin a totoo.

Lucas 7:16

Asabiay takot iray amin a wadman, tan indaydayew day Dios. Inkuanda, Sinmabid pegley tayo so matalonggaring a propita! Ag nilingwanay Dios ya ilaban iray totoo to!

Puyan 11:11

Kalabas na taloy agew tan kapaldua, say ingas na bilay a nanlapud Dios linmoob ed saray bangkay da, insan ira inmalagey. Agaylay inkataktakot da ray akanengneng ed sikara.

Saray Gawgawa 19:17

Abalitaan ya na amin da ray Judio tan Hintil a manaayam ed Efeso. Asabian iran amin a balbaleg a takot, tan lalon apagalangan so ngaran nen Jesus a Katawan.

Josue 10:40

Adakep nen Josue so intiron dalin. Tinalo to ray arari ed kapokdulan a pasen, diad nibokig a palasur, tan diad nisagur ya alusadsar, ontan met ed ampetang a pasen diad abalaten. Anggapoy intilak ton mabilay; pinapatey ton amin iray totoo ed sarayan pasen. Sikato ya so ingganggan na Katawan a Dios na Israel.

Josue 10:6

Saray taga Gabaon impaikuandad kinen Josue a walad kampod Gilgal: Ag mo kami kari ikakaindan! Gala dian tampol ta tulongan mo kami! Amin da ray arari ed nipokdul iran pasen et nanmomoyung ira tan dinogpaan da kami!

Mateo 2:1

Nianak si Jesus ed baley na Betlehem ed Judea, nen manooley si Ari Herodes. Ag abayag, sinmabid Jerusalem iray makakabat a totoon nanlapud Bokig.

Lucas 5:26

Agaylay pankelaw na amin a totood man, tan natatakot met ira. Indayew day Dios tan inkuanda, Makapakelaw iray naimatonan mid sayan agew!

Lucas 2:18

tan mankelaw iray amin ya akadngel ed sayan tinongtong da.