Levitico 7:19 - Maung a Balita Biblia

¹⁹ No say karni et nidiwit ed antokaman a marotak onung ed ganggan, ag nepeg a kanen, no ag ingen poolan. Siopamay malinis onung ed ganggan nayarin mangan ed samay karni,

Maung A Balita Biblia

¹⁹ No say karni et nidiwit ed antokaman a marotak onung ed ganggan, ag nepeg a kanen, no ag ingen poolan. Siopamay malinis onung ed ganggan nayarin mangan ed samay karni,

Levitico 7:19 Referans Kwoze

Tito 1:15

Diad saray malinis so panagbilay da, malinis iray amin a bengatla; balet diad saray arotakan tan aliwan mananisia, anggapoy malinis ta arotakan so kanunotan tan konsinsia ra.

2 CORINTO 6:17

Kanyan ibabagay Katawan, Nepeg yo ran taynan tan ibatikan. Ag kayo mibabalid marotak ya antokaman, et siak so mangawat ed sikayod satan.

Saray Taga Roma 14:20

Ag yo dederaley kimey na Dios lapu labat ed kakanen. Amin a nakan nayarin kanen, balet maoges so pangan mo na pansengegay pankasalanan na sakey a too.

Saray Taga Roma 14:14

Lapud pikakasakey kod Katawan a Jesus, amtak tan sisiaen ko ya anggapoy nakan a gendat lan marotak. Balet no ipasen na sakey a too a walay nakan a marotak tan ag nayarin kanen, ag nayari sirin a kanen to.

Saray Gawgawa 10:28

Inkuanto, Kabat yo a sebel ed sakey a Judio so mikaaro odino ombisitad aliwan Judio. Balet impaamtay Dios ed siak ya ag ko ipasen a marotak o ag manepeg a piolupan so anggan siopa.

Lucas 11:41

Iter yod saray mairap-bilay so walad saray tasa tan plato yo, et nalinisan onung ed ganggan para sikayo ray amin a bengatla.

Levitico 6:27

Siopaman odino antokaman a makadiwit ed laman na samay ayep napasakitan na pakayari na inkasanto to. No napolasian na dala na samay ayep so dinan man a kawes nepeg ya ipesak ed masanton pasen.

Levitico 7:18

No walay karnin kinan ed kumatlon agew, say Dios ag to awaten so bagat na samay too. Sayan bagat ag nipasen a manepeg a bagat na samay too, no ag ingen sakey bagat a marotak, tan nadusa so siopamay mangan ed sayan bagat.

Levitico 7:20

balet no say toon marotak onung ed ganggan et mangan ed samay karni, sikatoy nipasen ya aliwa lan sakey ed saray totoo na Dios.