Levitico 6:4 - Maung a Balita Biblia

^4-5 No say sakey a too et nankasalanan na anggan dinan ed saray abitla, nepeg a bayaran toy inala tod sinasaol a polaing. Diad agew a sikatoy naamtaan a nankasalanan, nepeg a bayaran to may angalaan to tan pasolukan to na kakalima.

Maung A Balita Biblia

^4-5 No say sakey a too et nankasalanan na anggan dinan ed saray abitla, nepeg a bayaran toy inala tod sinasaol a polaing. Diad agew a sikatoy naamtaan a nankasalanan, nepeg a bayaran to may angalaan to tan pasolukan to na kakalima.

Levitico 6:4 Referans Kwoze

Sofonias 1:9

Dusaen kon amin iray mangigagalang a singa saray pagano tan mantatakew tan mampapatey ira, pian napano ra na sinamsam so abung na amo ra.

Mikias 2:2

No labay day kaologan, sakopen da ra; no labay day kaabungan alaen da ra. Maatap so kipapasen na amin a pamilya na balang too odino say kayaryan to.

Amos 3:10

Say Katawan kuanto, Sarayan totoo et papanoen da ray ankakabaleg ya abung da na saray bengatlan sinasamsam da tan tinatakew da. Ag da amtay manggaway kaptekan.

Ezekiel 18:18

Balet si ama to, et nansasaol tan nantatakew tan nanggagaway kaogsan ed balang sakey a too. Kanyan inatey lapud saray dilin kasalanan to.

Ezekiel 18:12

Sasaolen to ray mairap-bilay, mantatakew, ag to ipapawil so ipopotika na saray akautang ed sikato. Oonlad kawalaan da ray paganon altar, tan igagalang to ray makapaingungot a talintaoy diriyos,

Ezekiel 18:7

Ag to sasaolen odino tatakewan so siopaman. Ipapawil to so impotika na akautang ed sikato; iitdan to na nakan iray narasan tan kawes iray anggapoy nipales.

Say Libro nen Job 24:2

Wala ray totoon mangyalis na ketegan pian makagamgam iray dalin; mantakew ira na saray karniro insan da ilauk ed saray papastulan da.

Say Libro nen Job 20:19

lapud pinapairap tan inkakaindan to ray mairap-bilay, tan sinasamsam to ray abung ya impapaalagey na saray arum a totoo.

Genesis 21:25

Nanriklamoy Abraham ed kinen Abimelec nipaakar ed bobun a sinamsam na saray aripen nen Abimelec.

Levitico 24:18

tan siopamay mamatey na ayep na kapara ton too, nepeg a salatan to. Say bilay bayaran na bilay.

Levitico 24:21

Siopamay amatey na ayep na kapara ton too nepeg a salatan to, balet siopamay mamatey na kapara ton too, nepeg a pateyen.

Saray Bilang 5:7

nepeg ton ipatuay kasalanan to tan mambayar ed toon nanggawaan toy maoges tan pasolukan to na kakalima.

Ezekiel 33:15

singa bilang ipawil toy impotika na akautang ed sikato odino ipawil toy tinakew tono ontondan mankasalanan tan onuren to ray ganggan a mangiter na bilay, sikatoy ag ompatey no ag ingen mambilay.

Malakias 1:13

Ibabaga yo, Onsasawa kami lad sarayan amin! Insan yo ak kokobibitan. Mangibabagat kayod siak na tinakew ya ayep odino piley odino mansasakit. Abaloan yo awaten ko tan ed sikayo?

Levitico 4:12

insan to iyakar iran amin ed paway na kampo diad pasen a malinis onung ed ganggan a diay bantakay dapol. Diman to ra poolan ed sakey a bunton na kiew.

Nehemias 5:11

Ipawil yo natan ed sikara iray kaalogan da, saray kaubasan da, saray kaolibaan da, tan saray kaabungan da. Lingwanan yo la ray utang dad sikayon kuarta, odino trigo, odino alak, odino larak na oliba!

Ezekiel 44:19

Kasakbayan ya onla rad patiod paway a kawalaan da ray totoo, nepeg a lakseben day kawes dad panlilingkur dad dalem na Timplo, insan da ra itilak ed saray masanton kuarto. Nepeg a mansolung ira na sananey a kawes, pian samay masanton kawes da et ag to napasakitan iray totoo.