Levitico 5:4 - Maung a Balita Biblia

⁴ No say sakey a too et nansamban andi-nunotan, ya anggan antoy kipaakaran, sikatoy nankasalanan diad bektan abirbir to so ginawa to.

Maung A Balita Biblia

⁴ No say sakey a too et nansamban andi-nunotan, ya anggan antoy kipaakaran, sikatoy nankasalanan diad bektan abirbir to so ginawa to.

Levitico 5:4 Referans Kwoze

Saray Gawgawa 23:12

Nen ontombuk a kabwasan, nantitipon iray pigaran Judio tan sinambaan day ag mangan o oninom, anggad ag da napatey si Pablo.

Marcos 6:23

Sinambaan to nin inkuan, Iter kon iter ed sikay kerewen mo, anggan say kapaldua na nanarian ko!

Saray Huis 11:31

isaklang kon popoolan a bagat ed sika so ononan too ya ompaway ed abung ko ya onabet ed siak, no ompawil ak ya analod bakal.

1 Samuel 25:22

Pateyen ak komun na Dios no kasabiy kabwasan et walay inkerak a mabilay a lakin kaiba to!

Saray Bilang 30:8

Balet no naamtaan na asawa to tan sebelan tod panumpal to, ag la nakaukolan a sumpalen to. Sikatoy pirdonaen na Katawan.

Mateo 14:9

Naermenay Herodes, balet lapud samay sipan ton nadngel na amin a sangkaili to, ingganggan ton iter day kerew to may marikit.

Mateo 14:7

Kanyan inkuanto, Sambaan ko ya anggan antoy kerewen mo, iter kon iter ed sika!

2 Saray Arari 6:31

Inkuanto, Pateyen ak komun na Dios no diad sayan agew et ag napotutay olo si Eliseo!

2 Samuel 21:7

Balet lapud samay masanton sipanan dan dua nen Jonatan, ag to impalima si Mefiboset a lakin anak nen Jonatan tan apo nen Saul.

1 Samuel 1:11

Si Ana nanggaway sipan a sinambaan to: Katawan a Makapanyarin-amin, no imanoen mo ak ya aripen mon pangaskasiyan, no nonuten mo ak, ag mo ak lingwanan, tan itdan mo ak na anak a laki, isaklang kod sika legan a mabilay tan ag kon balut pakatlian.

Saray Huis 21:18

Balet ag tayo ra nayarin pangasawaen ed saray anak tayo, lapud sinambaan tayo a nisamba so siopaman a mangyabuloy ya asawaen na Benjaminita so anak to.

Saray Huis 21:7

Antoy gawaen tayo, pian naitdan tayo na saray asawa iray lalakin Benjaminita ya akeraan? Sinambaan tayod Katawan ya ag tayon balut paasawad sikara iray anak tayo.

Saray Huis 9:19

Natan sirin, no say ginawa yo natan ed kindi amak a Gedeon tan say pamilya ra et makatonungan, manliket kayon miolup ed kinen Abimelec tan panliket yo met a miolup ed sikayo.

Josue 9:15

Akipaknaan si Josue na pikakaaro ed saray totoon taga Gabaon tan inabuloyan to ran mambilay. Sinambaan na saray pangulo da ray Israelita a tooren day impipaknaan da.

Josue 2:14

Saramay lalaki kuandad sikato, Babawien komun na Dios so bilay mi no ag mi tooren so ibaga mi! No ag mo ibagad siopaman so gagawaen mi, isipan mid sika a no inter la na Katawan ed sikami yan dalin, kasian mi kayo, ag mi kayon balut diwiten, sika tan saray kabyangay pamilyam.

Saray Bilang 30:6

No say sakey a marikit et manggaway sinambaan a sipan a ginagala to odino andi-nunotan, odino isipan ton walay ag to gawaen, insan akiasawa,

Levitico 5:3

No say sakey a too et ag to ginagalan adiwit so bengatlan marotak a nanlapud too, anggan anton bengatla, sikatoy nankasalanan diad bektan abirbir to so agawa to.

Levitico 5:13

Diad onya say pari isaklang to so bagat a para kasalanan na sakey a too, et napirdona yan too. Say soluk ed samay arina kayaryan na pari, a singa say gawaen ed bagat a trigo.

Saray Salmo 106:33

Pinasanuk day Moises, kanyan angibolus na makapoy a salita.