Levitico 27:17 - Maung a Balita Biblia

¹⁷ No kasumsumpal na Taon na Panangipawil so pangisaklang tod dalin to, say intiron bili so nepeg a bayaran.

Maung A Balita Biblia

¹⁷ No kasumsumpal na Taon na Panangipawil so pangisaklang tod dalin to, say intiron bili so nepeg a bayaran.

Levitico 27:17 Referans Kwoze

Levitico 27:14

No say sakey a too et labay ton isaklang ed Katawan so abung to, say pari kuintaen toy bili onung ed kaabigan odino kakapoyan to may abung, tan ag la naoman so bili.

Levitico 27:16

No say sakey a too et isaklang tod Katawan so parti na dalin to, say bili kuintaen onung ed karakel na bokel ya itanem ed samay dalin, tan say bili na sakey a salup a sibada et samploran kuartan pilak.

Levitico 27:18

No arum nin panaon kasumpal na Taon na Panangipawil so pangisaklang to, say pari kuintaen toy bili onung ed karakel na taon ya akeraan ya anggad ontumbuk a Taon na Panangipawil, kanyan abeba so bili to.

Levitico 25:9

Insan diad kumaplon agew na kumapiton bulan, say Agew na Pangekal na Kasalanan, mangibaki kayo na sakey a lakin mamaknul na trumpita ed intiron bansa.

Levitico 25:10

Onyay pangibiig yod kumalimamplon taon tan pangibawag yoy kawayangan ed amin a manaayam ed dalin. Legan na sayan taon amin a kayaryan ya inlako nepeg ya ipawil ira ed gendat ya akankayaryan, odino diad saray kabyangay boleg to; tan balang toon inlakon aripen nepeg ya ompawil ed pamilya to.

Levitico 25:11

Ag yo nepeg a taneman iray kaalogan yo odino anien iray trigon tinmotubun bukor; ag yo met boborboren so bunga na saray kaubasan ya ag yo pinotutan so wakawakal da.

Levitico 25:13

Diad sayan taon amin a kayaryan ya inlako nepeg ya ipawil ira ed gendat ya akankayaryan.