Levitico 26:42 - Maung a Balita Biblia

⁴² nunoten koy impisipanan kod kinen Jacob, tan diad kinen Isaac tan diad kinen Abraham, tan pasimbaloen koy sipan ko ya iter kod saray totook so dalin.

Maung A Balita Biblia

⁴² nunoten koy impisipanan kod kinen Jacob, tan diad kinen Isaac tan diad kinen Abraham, tan pasimbaloen koy sipan ko ya iter kod saray totook so dalin.

Levitico 26:42 Referans Kwoze

Ezekiel 16:60

Balet ag ko lingwanan imay impisipanan kod sika nen ogaw ka ni, tan migawaan ak ed sika na sipanan a magnayon.

Saray Salmo 106:45

Lapud sikara, anunotan toy impisipanan to, tan lapud baleg a panangaro to nansalat na kanunotan.

Exodo 6:5

Natan nadngel koy panngesnges na saray Israelita ya aaripenen na saray Egipsio, tan anunotan koy impisipanan ko.

Exodo 2:24

Dinengel toy ngesnges da, ta anunotan toy impisipanan tod kindi Abraham, Isaac, tan Jacob.

Lucas 1:72

Imbaga to met a kasian to ray lalaki tayo, tan nunoten toy masanton impisipanan to.

Joel 2:18

Insan say Katawan impanengneng toy panagnunot tod dalin to; walay panangasi tod saray totoo to.

Saray Salmo 136:23

Ag to itayo nilingwanan nen atalo itayo; andi-anggaan so panangaro to;

Deuteronomio 4:31

Sikatoy mapangasin Dios. Ag to kayo ikaindan o pateyen, tan ag to lingwanan so impisipanan tod saray lalaki yo.

Genesis 28:15

Ag mo lilingwanan a wala ak ed sika tan iyagel ta kad inerman a laen mo, tan ipawil ta kad sayan dalin. Ag ta ka taynan, anggad pakasumpal kon gawaen ya amin iray insipan kod sika.

Genesis 26:5

Bindisionan ta ka, ta inonur ak nen Abraham tan sinumpal ton amin iray ganggan tan saray bilin ko.

Genesis 9:16

Kapag onletaw so bunlalakaw ed lorem, nengnengen ko tan nanunotan koy impisipanan ko ed amin a mabilay ed tapew na dalin.

Genesis 9:15

nanunotan koy sipan kod sikayo tan diad amin ya ayayep ya ag lan balut deralen na delap iray amin a mabilay.

Genesis 26:2

Pinmayawar so Katawan ed kinen Isaac tan inkuanto, Ag ka oonlad Egipto; manayam kad pasen ya ibagak ed sika.

Genesis 28:13

Insan anengneng toy Katawan a manalalagey ed abay to. Inkuan na Katawan, Siak so Katawan a Dios nen Abraham tan si Isaac. Iter kod sika tan saray kabyangay boleg mo yan dalin a pandokdokulan mo.

Genesis 35:11

Insan inkuan na Dios ed sikato, Siak so Dios a Makapanyarin-amin. Nawalaan kay amayamay ya anak. Manlapud sika ray bansa tan arari.

Genesis 35:12

Iter kod sikay dalin ya inter kod kindi Abraham tan Isaac, tan iter ko met ed saray kabyangay boleg mo no andi ka lad bilay.

Saray Huis 2:1

Manlapud Gilgal say anghil na Katawan linmad Bokim tan kuantod saray Israelita, Impaway ta kayod Egipto tan inyakar ta kayod dalin ya insipan kod saray atateng yo. Inkuanko, Ag kon balut deralen so impisipanan kod sikayo.

Ester 4:14

No anggapoy walad sika so panaon a singa saya, manlapud tawen so tulong ed saray Judio et nilaban ira, balet ompatey ka tan mansamput lay pamilya nen amam. Balet antoy amtam no say makasengeg na impagmaliw mon riyna et lapud panaon a singa saya!

Genesis 15:18

Diad saman ya agew, akisipanan so Dios ed kinen Abram. Inkuanto, Isipan kon iter ed saray kabyangay boleg mo yan dalin, manlapud ketegan na Egipto ya anggad Ilog na Eufrates,

Genesis 26:24

Diad saman a labi na intaynan to pinmayawar ed sikato so Katawan tan inkuanto, Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.

Deuteronomio 9:27

Nudnunot mo pa ray aripen mon di Abraham, Isaac, tan Jacob, tan palabas mo lay inkaawet na olo da ra yan totoo, say inkaoges da, tan say kasalanan da.

Isaias 14:1

Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.