Levitico 25:17 - Maung a Balita Biblia

¹⁷ Ag yo sasaolen so kapara yon Israelita, no ag ingen takotan yo so Katawan a Dios yo.

Maung A Balita Biblia

¹⁷ Ag yo sasaolen so kapara yon Israelita, no ag ingen takotan yo so Katawan a Dios yo.

Levitico 25:17 Referans Kwoze

Levitico 19:32

Itdan yoy lugar iray mamatakken tan igalang yo ra. Takotan yo ak a Katawan a Dios.

Levitico 19:14

Ag yo aayewen so toon telek; ag kayo mangiiyan na antokaman a pakapateran na toon bulag. Takotan yo ak; siak so Katawan a Dios yo.

Levitico 25:43

Ag yo ra papairapen, no ag ingen toluk yo so Dios yo.

Exodo 20:20

Inmebat si Moises, Ag kayo natatakot; sinmabi so Dios, ta suboken to kayo tan labay to kayon mangonur lawas ed sikato, pian ag kayo mankasalanan.

Genesis 42:18

Diad kumatlon agew, inkuanen Jose ed sikara, Sakey ak a toon walay takot tod Dios, kanyan ag ta kayo papatey no gawaen yoy ibagak.

1 TESALONICA 4:6

Nipaakar ed saya sirin, nepeg ya anggapoy toon manggaway maoges o mansaol ed agi to. Pinasakbayan mi kayo lan maung nen saman, a say Katawan dusaen ton dusaen iray manggaway onya ran kaogsan.

Saray Taga Roma 11:20

On, tua tay kuanmo. Apoter ira, ta ag ira anisia; nisoldung ka, ta manisia ka. Kanyan ag ka mampapaatagey; ontakot ka ingen.

Saray Taga Roma 3:18

say takot ed Dios anggapo ed sikara.

Saray Gawgawa 10:35

Pakaliketay Dios so siopaman a walay takot ed sikato tan manggaway inkatonung, anggan antoy bansa to.

Saray Gawgawa 10:2

Rilihioso yan too tan walay takot to ed Dios; ontan met na intiron pamilya to. Amayamay lay intutulong tod saray Judio, tan naynay a mampikasid Dios.

Saray Gawgawa 9:31

Kanyan awalaay kareenan so iglisia ed intiron Judea, Galilea tan Samaria; binmiskeg tan binmaleg lapud tulong na Ispiritu Santo, tan nambilay a sigagalang ed Katawan.

Lucas 12:5

Ibagak ed sikayo no siopay nepeg yon takotan: takotan yoy Dios ta kasumpal ton mamatey, wala niy pakayari ton mangibantak ed impirno. On, kuankod sikayo, sikatoy nepeg yon takotan!

Malakias 3:5

Say Katawan a Makapanyarin-amin kuanto, Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkailiamin da ray mangigagalang ed siak.

Jeremias 22:16

Maptek so impanalaysay tod saray mairap-bilay, tan maung so nansumpalan na amin a bengatla. Sikato yay kabaliksan na pakapikabat ed Katawan.

Probirbio 22:22

Ag mo tatakewan so mairap-bilay lapud sarasarag mo; ag mo aanamutey pankanawnawam a mamairap ed saray totoon anggapoy nayarian no wala kayod korti.

Probirbio 1:7

Pian nawalaan kay pakatalus, nepeg mon galangen ya onona so Katawan. Saray makulang-kulang babalawen da so kakabatan tan ag da labay so manaral.

Saray Salmo 19:9

Maung so pangigalang ed Katawan; mansiansia ed anggad angga. Matonung so pananintinsiay Katawan, tan maptek lawas.

Nehemias 5:15

Makapabelat ed saray totoo iray amin a gobirnador ya akaonan nanoley nen say siak, lapud kinaukolan da a niiter ed sikaran inagewagew so apataplon kuartan pilak ya isaliw da na tagano tan alak. Pinapairap na anggan saray katulong da iray totoo. Balet domay impanoley ko, lapud walay takot kod Dios.

Nehemias 5:9

Insan inkuanko, Makapoy itay gagawaen yo! Nepeg yon takotan so Dios tan gawaen so antokaman a kaptekan. Ag yo naitdan ed satan iray kalaban tayon Hentil na pankanawnawan manludlurey ed sikatayo.

2 Saray Awaran 19:7

Takotan yoy Katawan tan apiger yoy antokaman a gawaen yo, lapud say Katawan a Dios tayo et ag to labay so pamikewet ed katunongan, odino say panaglabi, odino say pangawat na pasoksok.

1 Samuel 12:24

Takotan yoy Katawan, tan matoor so panlingkur yod sikato diad intiron puso yo. Ag yo lilingwanan iray makapakelaw a ginagawa ton para sikayo.

Deuteronomio 25:18

Anggapoy takot dad Dios, kanyan dinogpaan da kayod beneg nen naknaksawan tan napupunaw kayo la; pinapatey da ra may makapkapoy lan walad bandad onur.

Levitico 25:14

Kanyan no mangilako kayoy dalin ed kapara yon Israelita odino manaliw kayod sikato, ag yo sasaolen.

Genesis 39:9

Nampara lay pakaoley mi ed sayan abung tan anggapoy ag to inter ed siak, likud ed sika. Ag ko nayarian a gawaen itan a kabandayan, ta mankasalanan ak ed Dios.

Genesis 22:12

Ag mo didiwiten itay ogaw o panggawaan na antokman, inkuanto. Amtak natan ya oonuren tan gagalangen moy Dios, ta ag mo insiblet ed siak so bogbogtung ya anak mo.

Genesis 20:11

Inmebat si Abraham, “Abaloan kon anggapo diay ontatakot ed Dios, kanyan apagaan ak ta ompan pateyen da ak pian naala ray asawak.

Probirbio 14:31

No pairapen mo ray totoon mairap-bilay, papabaingan mo so Dios ya amalsad sikara; balet say pangasid mairap-bilay et sakey a panangigalang ed Dios.

Levitico 19:13

Ag yo aanamutey pankanawnawa yod arum a too odino tatakewan yo. Ag yo aabalaen na anggan sanlabi so upa na siopaman ya impankimey yo.

Levitico 25:36

Ag yo pangaabangen; ingen toluk yoy Dios tan abuloyan yon manayam ed abay yo so kapara yon Israelita.

Probirbio 16:6

Magmaliw kan matoor tan maonur, et pirdonaen na Dios so kasalanan mo. Pagalangan moy Katawan, et anggapoy maoges a nagawad sika.

Isaias 3:14

Say Katawan iyaakar tod panagsintinsiaan iray mamasiken tan saray pangulo na saray totoo to. Kuantod sikara, Sikayoy nanaala na saray bungay kaubasan, tan napno na saray sinamsam yod saray mairap-bilay iray kaabungan yo.