Levitico 20:27 - Maung a Balita Biblia

²⁷ Siopamay laki odino biin mangipanon ed saray ispiritu na inaatey et nepeg a tupaken ya anggad ag to ipatey; siopaman a manggawad saya sikaton dili so makasengeg na ipatey to.

Maung A Balita Biblia

²⁷ “Siopamay laki odino biin mangipanon ed saray ispiritu na inaatey et nepeg a tupaken ya anggad ag to ipatey; siopaman a manggawad saya sikaton dili so makasengeg na ipatey to.”

Levitico 20:27 Referans Kwoze

Levitico 19:31

Ag kayo miaalay simbawa ed saray totoon manangipanon ed saray ispiritu na inaatey. No gawaen yo ya, magmaliw kayon marotak onung ed ganggan. Siak so Katawan a Dios yo.

Levitico 20:6

No walad sikayoy onkerew na simbawa ed saray midium tan diad saray manangipanon ed saray ispiritu na inaatey, sumpaen ko tan ag ko la ibilang a sakey ed saray totook.

Exodo 22:18

Nepeg a pateyen so siopaman a biin managsalamangka diad pananulong na maoges ya ispiritu.

Saray Gawgawa 16:16

Aminsan ya agew, nen mamapaarap kamid pasen a panagpikasiyan, inabet kamiy sakey a biin aripen. Inaponan ya na maoges ya ispiritu, a mangiiter ed sikatoy pakayarin mamparles. Dakel so kuartan nanaalmo na saray amo to lapud panagparles to.

Levitico 24:14

Ipaway yod kampo itan a too. Balang sakey a toon akadngel ed impanayew tod Katawan et itapew to ray lima to ed olo na satay too a pangipaneknek ton sikatoy nankasalanan, insan amin ya Israelita tupaken da ya anggad ompatey.

Saray Bilang 15:35

Insan say Katawan kuantod kinen Moises, Satan a too et nepeg a pateyen; tupaken na amin a totoo diad paway na kampo.

Deuteronomio 21:21

Insan saray totood siudad tupaken da may anak ya anggad ag to ipatey, et diad ontan napaandi yan kaogsan. Narengelan na amin a totood Israel so agawa et ontakot ira.

1 Samuel 28:3

Inatey lad saman si Samuel, kanyan nanermen iray amin a totood Israel. Impompon dad Rama a dilin baley to. Pinataynan nen Saul ed paway na Israel iray amin a managpalar tan amin a manangipanon ed saray ispiritu na inaatey.

2 Saray Awaran 33:6

Insaklang ton bagat a popoolan ed Patar na Hinom iray lalakin anak to. Nambubuyon tan nansasalamangka; nampapanon ed saray managpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.