Levitico 20:26 - Maung a Balita Biblia

²⁶ Nepeg a masanto kayo tan siak labat so akankayaryan ed sikayo, lapud siak so Katawan tan masanto ak. Imbiig ta kayo ed saray arum a bansa pian sikayo labat so kayaryan ko.

Maung A Balita Biblia

²⁶ Nepeg a masanto kayo tan siak labat so akankayaryan ed sikayo, lapud siak so Katawan tan masanto ak. Imbiig ta kayo ed saray arum a bansa pian sikayo labat so kayaryan ko.

Levitico 20:26 Referans Kwoze

Levitico 20:7

Nepeg a masanto kayo ta siak so Katawan a Dios yo.

Levitico 20:24

Balet insipan kon kayaryanen yo man a mataba tan mayaman a dalin, kanyan iter kod sikayo. Siak so Katawan a Dios, tan siak so angibiig ed sikayo ed saray arum a bansa.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

Deuteronomio 7:6

Gawa yo ra ya, ta kayaryan kayo na Katawan a Dios yo. Diad amin da ray totood tapew na dalin pinili to kayon dili a nidoma-doman totoo to.

Deuteronomio 14:2

Kayaryan kayo na Katawan a Dios yo; pinili to kayon dilin totoo to diad saray amin a totood tapew na dalin.

Isaias 6:3

Mantatawagan ira: Masanto, masanto masanto! Masanto so Katawan a Makapanyarin-amin! Say sankamundoan napno na kagalangan to.

Puyan 4:8

Sanaanem na payak ira may apatiran mabilay a pinalsa, tan diad paway tan dalem na payak, napno ray mata. Anggapoy tonda so pangakanta ra ed agew tan labi: Masanto, masanto, masanto so Katawan a Dios a Makapanyarinamin, say Dios nen saman, natan, tan say onsabi.

Puyan 3:7

Isulat mod anghil na iglisia ed Filadelfia: Sikato yay ibabaga na masanto tan matwa a sankabembenan toy tombuk nen David; anggapoy makapangikaput ed antokaman ya ilokas to, tan anggapoy makapangilokas ed antokaman ya ikaput to.

Saray Salmo 99:9

Idayew yoy Katawan a Dios tayo, tan igalang yo ed masanton palandey to! Masanto so Katawan a Dios tayo!

Saray Salmo 99:5

Idayew yoy Katawan a Dios tayo; igalang yo ed arap na trono to! Sikatoy masanto!

Isaias 30:11

Ekal kayod dalan mi; ag yo kami sasaraan. Ag mi labay a dengelen itay nipaakar ed masanton Dios na Israel.

Exodo 33:16

Panoy pakaamta na siopaman a makaliliket kad saray totoom tan diad siak, no ag ka milad sikami? Say kiwawalam ed sikami et mangipanengneng a doma kami ed saray arum a totoo diad tapew na dalin.

Josue 24:19

Inkuanen Josue ed saray totoo, Balet ompan ag yo nayarian a panlingkuran so Katawan? Sikato so masanto a Dios tan ag to pirdonaen iray kasalanan yo. Maimon a Dios

Levitico 11:44

Siak so Katawan a Dios yo, kanyan nepeg a masanto kayo ta siak et masanto ak.

Levitico 20:8

Sumpal yo ray ganggan ko, lapud siak so Katawan a mamapasanto ed sikayo.

Nehemias 10:29

et mikakasakey kamid saray pangulo mi diad pansamba mi a mambilay kami onung ed Ganggan na Dios, ya inter to ed panamegley na aripen ton si Moises tan nadusa kami no ag mi sumpalen; ya onuren min amin so ingganggan ed sikami na Katawan, say Katawan mi; a toluken mi ray amin a bilin tan totontonen to.