Levitico 19:5 - Maung a Balita Biblia

⁵ No mamatey kayo na ayep ya ibagat a para kareenan, tombuk yo ray totontonen ya inter kod sikayo, et awaten koy bagat yo.

Maung A Balita Biblia

⁵ “No mamatey kayo na ayep ya ibagat a para kareenan, tombuk yo ray totontonen ya inter kod sikayo, et awaten koy bagat yo.

Levitico 19:5 Referans Kwoze

Levitico 22:29

No mangisaklang kayoy bagat a pisasalamat ed Katawan, tombuk yo ray totontonen pian naawat kayo;

Levitico 7:16

No say sakey a too et mangyakar na bagat a para kareenan, a panumpal tod sipan to odino pangibagat tod mabulos a linawa, aliwan amin et nepeg a kanen diad agew ya impangibagat, no ag ingen say nakeraan nayarin kanen ed ontombuk ya agew.

Levitico 22:19

Pian naawat so bagat to, nepeg a sakey a kalakyan ya ayep ya anggapoy deral na laman to so ibagat to.

Levitico 1:3

No sakey ed saray baka to so isaklang ton bagat a popoolan, nepeg a bakan kalakyan ya anggapoy deral na laman to. Nepeg ton isaklang so baka diad lolooban na samay Tulda pian awaten na Katawan so mangisaklang.

Ezekiel 46:12

No say manoley a prinsipi et mabolus a mangisaklang ed Katawan na bagat a popoolan odino bagat a para kareenan, say puirtad bandad bokig ya ompogtad patiod dalem et nilokas a para sikato. Say pangibagat to et nepeg a singa panangibagat to no Agew na Panagpainawa, tan nepeg ya ikaput so puirta no kapaway to.

Ezekiel 46:2

Say manoley a prinsipi onlan manlapud patiod paway diad iloob tod baleg a kuarto diad kawalaan na dalan na puirta tan manalagey ed abay na saray lusak na puirta legan ya isasaklang na saray papari iray bagat a popoolan tan saray bagat ton para kareenan. Diman ed puirta, nepeg a mangigalang ed Dios, insan la ompaway. Ag nepeg ya ikaput imay puirta ya anggad isabiy labi.

2 Saray Awaran 31:2

Pinasimbalo nen Ari Ezekias so togyup da ray papari tan saray Levita. Diad sayan togyup da niiter ed balang sakey so kanepegan ton kimeyan. Saraya so kimey da: say pangisaklang na bagat a popoolan tan say bagat a para kareenan, say pibiang ed panangigalang ed Dios diad Timplo, tan say pangiter na dayew tan pisasalamat diad nandoroman pasen na Timplo.

Levitico 22:23

Say bakan kalakyan odino kordiron masoluk odino kulang so imbaleg na dinan a partiy laman to et nayarin ibagat a pinalapud mabolus a linawa, balet ag nayarin isaklang a bagat diad panumpal ed sipan.

Levitico 22:21

No say sakey a too et mangyakar ed Katawan na bagat a para kareenan, a panumpal tod sipan to odino pangibagat tod mabolus a linawa, say ayep ya ibagat to et nepeg ya anggapoy deral na laman to pian naawat.

Exodo 24:5

Insan angibaki na saray tobun-balon lalaki tan angisaklang irad Katawan na saray bagat a popoolan tan pigaran baka a bagat a para kareenan.

Levitico 19:4

Ag yo ak ikakaindan tan ag kayo mangigagalang ed saray talintaoy diriyos; ag kayo manggagawa na saray mital a diriyos insan yo ra pampikasian. Siak so Katawan a Dios yo.

Levitico 19:6

Say karni et nepeg a kanen diad agew na impamatey ed ayep odino diad ontombuk ya agew. Nepeg a poolan so karnin nakeraan ed kumatlon agew,

Levitico 7:18

No walay karnin kinan ed kumatlon agew, say Dios ag to awaten so bagat na samay too. Sayan bagat ag nipasen a manepeg a bagat na samay too, no ag ingen sakey bagat a marotak, tan nadusa so siopamay mangan ed sayan bagat.