Levitico 19:19 - Maung a Balita Biblia

¹⁹ Onur yo ray ganggan ko. Ag yo pakakastaan so sakey ya ayep ed doman ayep. Ag kayo mantatanem na duaran nandomaan a bokel ed sakey ya alog. Ag kayo mangisosolung na kawes ya inabel ed duaran klasiy tinebey.

Maung A Balita Biblia

¹⁹ “Onur yo ray ganggan ko. Ag yo pakakastaan so sakey ya ayep ed doman ayep. Ag kayo mantatanem na duaran nandomaan a bokel ed sakey ya alog. Ag kayo mangisosolung na kawes ya inabel ed duaran klasiy tinebey.

Levitico 19:19 Referans Kwoze

2 Samuel 13:29

Kanyan pinatey na saray aripen si Amnon onung na imbilin nen Absalom. Amin iray arum a lalakin anak nen David et kinabayoan da ray asno ra tan kibatiktik ira.

2 Samuel 18:9

Kabebekta nabet nen Absalom iray pigaran totoo nen David. Akakabayod sakey a mula si Absalom tan diad insilong tod sakey a baleg a kiew a robli, asagur ed saray sanga so olo to. Tuloy so batik na samay mula, kanyan atilak a mambitbitay si Absalom.

1 Saray Arari 1:33

tan kuan na arid sikara, Itagar yo ray opisyal ko, pakabayo yod dilin mulak si Solomon, tan olup yon onlad Gihon.

Saray Taga Roma 11:6

Pinili to ra lapud panangasi to, aliwan lapud saray ginagawa ra; ta no say impampili na Dios et lapud saray ginagawa ra, say panangasi tod satan et aliwa lan petepeteg a panangasi.

Genesis 36:24

Duaray lalakin anak nen Zibeon a di Aya tan Ana. (Sikato ya may Ana ya akalmo na saray ampetang a sobul diad kalawakan nen ipapastol to ray asno nen ama to.)

Levitico 18:4

Sumpal yo ray ganggan ko tan tombuk yo ray bilin kod sikayo. Siak so Katawan a Dios yo.

Levitico 19:37

Sumpal yo ray amin a ganggan ko tan saray bilin ko. Siak so Katawan.

Levitico 20:8

Sumpal yo ray ganggan ko, lapud siak so Katawan a mamapasanto ed sikayo.

Levitico 22:31

Say Katawan kuanto, Onur yo ray ganggan ko; siak so Katawan.

Levitico 25:18

Onur yoy amin a ganggan tan bilin na Katawan, pian mambilay kayon arawid kaatapan ed dalin a panayaman yo.

Deuteronomio 4:1

Insan inkuanen Moises ed saray totoo, Onur yo ray amin a ganggan ya ibabangat kod sikayo, et mansiansia kayon mambilay tan sakopen yo so dalin ya iter ed sikayo na Katawan a Dios na saray lalaki yo.

Deuteronomio 4:5

Imbangat kod sikayo ray amin a ganggan onung na imbagad siak na Katawan a Dios ko. Onur yo ra ed dalin a ngalngali yo la looban tan panayaman.

Lucas 5:36

Sinalita nen Jesus met yan alimbawa ed sikara, Anggapoy mamilat na balon abel, insan to isakab ed daan a kawes. Ta no onyay gawaen to, naderal to may balon kawes, tan sakey ni, mabambanday.