Levitico 19:15 - Maung a Balita Biblia

¹⁵ Nepeg a maptek tan matonung so pangiter yoy sintinsia; ag yo kikilingan so toon mairap-bilay, ni tatakotan so toon mayaman.

Maung A Balita Biblia

¹⁵ “Nepeg a maptek tan matonung so pangiter yoy sintinsia; ag yo kikilingan so toon mairap-bilay, ni tatakotan so toon mayaman.

Levitico 19:15 Referans Kwoze

Deuteronomio 1:17

Anggapoy nepeg a kilingan yo ed panagsintinsia yo; nepeg a nampara so letnegan na panintinsia yo ed siopaman, abeba man o atagey so kipapasen to. Ag yo tatakotan so anggan siopa, ta manlapud Dios iray iter yon sintinsia. No walay mairap yon sintinsiaan a kaso iyapireng yod siak, ta siak so akaoley a manintinsia.

Probirbio 24:23

Sikara ya met so balikas na saray totoon makabat: Makapoy a say sakey a huis et walay kikilingan to.

Deuteronomio 27:19

Napelag komun so samba na Dios ed siopaman ya ag mangiter na kanepegan da ray sangkaili, saray olila, tan saray bibiin balo. Insan onebat iray amin a totoo, Amen!

Levitico 19:35

Ag yo sasaolen so siopaman diad pangikana yoy masaol a sukatan, simbangan, odino bilangan.

Probirbio 18:5

Aliwan maung a pilaan so toon walay kasalanan tan ekalan na katonungan so anggapoy kasalanan.

Deuteronomio 16:19

Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.

Saray Salmo 82:2

Tondaan yo lay pangiiter yoy sintinsian pikewet, tan tondaan yo lan pilaan iray totoon maoges.

Exodo 18:21

Balet nepeg a mamili ka met na pigaran lalaki a sarag day mangipangulo, tan ipasen mo ran pangulo na saray totoo; pangulo na tunggal libon totoo, tunggal lasus, tunggal limamplo, tan tunggal pulo. Nepeg a totoo ran walay takot ed Dios, napampiaan ira tan ag da labay so mangawat na pasoksok.

Juan 7:24

Ag yo sisintinsiaay too lapud saray nanengneng yon gagawaen to; sintinsiaan yo onung ed kaptekan.

Saray Gawgawa 23:3

Inkuanen Pablo ed sikato, Kabilen kay Dios, sikan mansimpisimpitan! Wadtan kan manyodyorung a manintinsiad siak onung ed Ganggan, balet sikan dili et susumpaen moy Ganggan diad pangigaganggan mon tibeben da ak.

Deuteronomio 10:17

Say Katawan a Dios yo et makapanyari nen saray amin a diriyos tan walad silong to ray amin a pakayari. Sikato so matalonggaring tan makapanyari, tan sikato so nepeg a toluken. Anggapoy lalabien to, tan ag to mangaawat na pasoksok.

Say Libro nen Job 13:8

Iyaagel yo so Dios? Isasangsangan yo ed korti?

Say Libro nen Job 32:21

Anggapoy pilaan kod sayan singbatan; ag ko idayew so anggan siopaman.

Say Libro nen Job 34:19

Pinalsa na Dios so balang sakey; ag to pipilaan iray manoley, odino kikilingan iray mayaman tan papaulyan iray mairap-bilay.

Probirbio 31:9

Isalitaan mo ra tan pagmaliw mon matonung so panintinsiam. Iyagel mo ray kanepegan da ray mairap-bilay tan saray walad pankaukolan.