Levitico 10:17 - Maung a Balita Biblia

¹⁷ Akin et ag yo inakan ed masanton pasen imay bagat a para kasalanan? Masanton tuloy iman, et say Katawan inter tod sikayo pian napaandi toy kasalanan na amin da ray Israelita.

Maung A Balita Biblia

¹⁷ “Akin et ag yo inakan ed masanton pasen imay bagat a para kasalanan? Masanton tuloy iman, et say Katawan inter tod sikayo pian napaandi toy kasalanan na amin da ray Israelita.

Levitico 10:17 Referans Kwoze

Saray Bilang 18:1

Say Katawan kuantod kinen Aaron, Sika, saray anak mon lalaki, tan saray Levita so nadusa lapud saray kasalanan a sumpad saray totontonen a nipaakar ed Tuldan Ayaman ko; balet sika tan saray anak mo labat so nadusa lapud kasalanan a sumpad saray totontonen a nipaakar ed inkapari.

Exodo 28:38

Si Aaron et nepeg ya isolung to ya ed muling to, pian siak a Katawan et awaten koy amin a bagat ya isaklang ed siak na saray Israelita, anggaman a wala ray lingon nagawa na totoo diad pangisaklang da.

1 Pedro 2:24

Diad impatey nen Cristo ed tagey na krus, sinakbat tod laman to ray kasalanan tayo, pian taynan ti lay kasalanan tan mambilay ti la onung ed linaway Dios. Inmabig kayo diad panamegley na saray sugat to.

Saray Hebreo 9:28

Ontan met, aminsan a nibagat si Cristo, pian nasakbat to ray kasalanan na amayamay a totoo. Mampanengneng a kumadwa, balet aliwan lapud kasalanan, no ag ingen lapud ilaban to ray manaalagar ed sikato.

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

Juan 1:29

Diad kaimbwasan, anengneng nen Juan si Jesus ya ondaragod sikato. Inkuanto, Nia so Kordiro na Dios a mangekal na kasalanay sankamundoan.

Levitico 22:16

nepeg ya ag da iyabuloy a kanen ira na toon aliwan manepeg a mangan; saya et pakapankasalananan na toon mangan tan pakadusaan to. Siak so Katawan a mamapasanto ed saray bagat.

Levitico 16:22

Samay kanding et awiten ton amin iray kasalanan da ray Israelita diad dalin ya ag natotoowan.

Exodo 28:43

Si Aaron tan saray anak to et nepeg ya isolung da ra ya lawas no onloob ira ed Tuldan Ayamay Katawan odino no onasingger irad altar a manlingkur a papari diad Masanton Pasen, pian ag ira ompatey lapud pangipanengneng dad laman da. Sikato yay mansiansian tontonen a nepeg a sumpalen di Aaron tan saray kabyangay boleg to.

Levitico 21:22

Sayan toon walay deral na laman to et nayarin mangan na kakanen ya imbagat ed siak, say masanton bagat a kakanen odino say masanton tuloy a bagat a kakanen;