Juan 8:15 - Maung a Balita Biblia

¹⁵ Manisintinsia kayo onung ed pananintinsiay too, balet anggapoy sisintisiaan kon too.

Maung A Balita Biblia

¹⁵ Manisintinsia kayo onung ed pananintinsiay too, balet anggapoy sisintinsiaan kon too.

Juan 8:15 Referans Kwoze

1 Samuel 16:7

Balet inkuan na Katawan ed sikato, Ag mo iimanoen no panoy kinabaleg tan kinaguapo to. Impolisay ko, ta say panagpilik aliwan singa panagpili na too. Say too say walad paway so nenengnengen to, balet say puso so nenengnengen ko.

Juan 12:47

Ag ko sintinsiaay toon makadngel na saray salitak ya ag to ra lamlamang onuren. Ta linma ak dian mangilaban, aliwan manintinsiad sankamundoan.

Juan 7:24

Ag yo sisintinsiaay too lapud saray nanengneng yon gagawaen to; sintinsiaan yo onung ed kaptekan.

Juan 3:17

Ta say Dios ag to imbakiy Anak to a manusa, no ag ingen mangilaban, ed sankamundoan.

Juan 18:36

Inmebat si Jesus, Aliwan diad sayan mundo so kawalaay panarian ko. No diad sayan mundo so kawalaay panarian ko, akilaban ira komuy totook, pian ag ak nipalimad saray Judio. Balet, aliwan diad sayan mundo so kawalaay panarian ko!

1 CORINTO 2:15

Say toon walad sikatoy Ispiritu natalusan to so kabaliksan na amin a bengatla, balet anggapoy toon makatalus ed sikato.

Saray Taga Roma 2:1

Kanyan siopa ka man a too a manintinsiad arum, anggapoy nibaraan mo. Ta diad panintinsiam ed arum a too, sintinsiaan moy laman mon dili, lapud sikan manintinsia et gagawaen mo met so gagawaen da.

Juan 8:11

Anggapo, Katawan, kuanto may bii. Inkuanen Jesus, Ag ta ka met dusaen. Nayarian mo lay onsempet. Ag ka lan balut sirin mankakasalanan.]

Amos 5:7

Pangaskasiyan kayo la, sikayon mamipikewet ed katonungan tan manlalames ed saray totoo!

Santiago 2:4

wala lay lalabien yod satan, tan nagmaliw kayon managsintinsia a wala ray maoges a kanunotan.

Lucas 12:14

Inmebat si Jesus, Siopa tay anorod siak a huis o manangapag yo?

Habacuc 1:4

Maletey tan anggapoy kana so ganggan, tan ag balut natotombuk so katonungan. Lalamesen na saray totoon maoges iray matonung, kanyan napipikewet so inkatonung.

Amos 6:12

Ombatik kasid baton-dampay iray kabayo? Pambaka kasi na totoo ed dayat iray baka? Balet impagmaliw yon samal so katonungan, tan pinekewet yoy kaptekan.

2 CORINTO 5:16

Kanyan natan, say pangamta miy siopaman et aliwa lan onung ed panagsintinsiay too. Nen inmona, onyay impangamta mid Cristo, balet aliwa lan onya natan.