Juan 7:32 - Maung a Balita Biblia

³² Nadngel na saray Pariseo iray karaklan a mantotongtong na saray bengatlan nipaakar ed kinen Jesus, kanyan angibaki ra tan saray manonan papari na saray guardian mangerel ed sikato.

Maung A Balita Biblia

³² Nadngel na saray Pariseo iray karaklan a mantotongtong na saray bengatlan nipaakar ed kinen Jesus, kanyan angibaki ra tan saray manonan papari na saray guardian mangerel ed sikato.

Juan 7:32 Referans Kwoze

Saray Gawgawa 5:26

Linmad Timplo may kapitan a kaiba to ray sondalo to, tan inawit da ra may apostol. Balet andi-pasootan so impangawit da, ta antakot ira ompan tupaken iray totoo.

Juan 18:3

Kanyan linmad may Judas ed tanamanan a kaiba to ray sondalo tan pigaran guardiay Timplo ya imbaki na saray manonan papari tan saray Pariseo. Akaarmas ira tan wala ray awit dan parol tan nipetan a silew.

Juan 12:19

Inkuan sirin na saray Pariseo ed sakey tan sakey, Anggapo lay nagawaan tayo! Nengneng yo, ontotombuk la ray amin a totood sikato!

Mateo 23:13

Pakaskasi ki la, sikayon iskriba tan sikayon Pariseo! Mansimpisimpitan a totoo! Ikakaput yoy puirtay Panarian na tawen pian ag makaloob iray totoo. Anta ag yo la labay so onloob ed Panariay tawen, pibabali yo nin sesebelan iray totoon malabay!

1 Samuel 19:20

kanyan angibakiy pigaran lalaki a mangalad sikato. Anengneng na sarayan imbaki so grupo na saray propita a mansasayaw-sayaw tan maneeyag-eyag; si Samuel so pangulo ra. Linmoob ed sikaray ispiritu na Dios, tan ginapwan da met so mansayaw-sayaw tan maneyag-eyag.

Mateo 12:14

Tinmaynan ira may Pariseo tan implano ra no panoy pamatey dad kinen Jesus.

Mateo 26:58

Tinmombuk si Pedro ed kinen Jesus, balet walad bandad arawi. Tinmuloy ya anggad solar na Pangulon Pari tan inmirung diman a kaiba to ray guardia, pian naimatunan toy kasumpalan.

Juan 7:30

Inanap da sirin ya erelen, balet anggapoy aningkat ed sikato lapud ag ni sinmabiy oras to.

Juan 11:46

Balet pigarad sikaray linmad saray Pariseo tan imbalita ray ginawa nen Jesus.