Juan 7:31 - Maung a Balita Biblia

³¹ Anggaman ontan, dakel nin siansiay anisiad sikato tan kuanda, No onsabiy Cristo, makapanggawa ni kasiy lalon dakel iran milagro nen saray ginagawa to yan too?

Maung A Balita Biblia

³¹ Anggaman ontan, dakel nin siansiay anisiad sikato tan kuanda, “No onsabiy Cristo, makapanggawa ni kasiy lalon dakel iran milagro nen saray ginagawa to yan too?”

Juan 7:31 Referans Kwoze

Juan 12:42

Anggaman ontan, dakel ed saray manoley na Judio so anisiad sikato. Balet ag da ibawag lapud antakot irad saray Pariseo, ta ompan papawayen da rad sinagoga.

Mateo 12:23

Mankelaw iray amin a totoo tan inkuanda, Sikato la ya kasiy Anak nen David?

Saray Gawgawa 8:13

Anisia met a pati si Simon tan kasumpal ton nampabinyag, akilkila ed kinen Felipe. Mankelaw nen naimatunan to ray pakelaw tan milagron nagagawa.

Juan 11:45

Anengneng na saramay Judion dinmalaw ed kinen Maria so ginawa nen Jesus, tan dakel ed sikara so anisiad sikato.

Juan 9:16

Inkuan na saray pigaran Pariseo, Say toon nanggawa ed saya et ag nanlapud Dios, ta ag to ngingilinay Agew na Panagpainawa. Saray arum balet kuanda, Panoy pakagaway toon makasalanan na ontan la ran milagro? Nambabalingaan ira sirin.

Santiago 2:26

Inatey so laman ya anggapoy ispiritu; ontan met ya inatey so pananisia ya anggapo ray gawa.

Juan 12:11

lapud dakel la ray Judio ya onsisian ed saray pangulo ra tan ontotombuk la rad kinen Jesus.

Juan 6:2

Dakerakel iray totoon tinmombuk ed sikat, lapud anengneng da ray makapakelaw a ginagawa to diad impamaabig tod saray mansasakit.

Juan 4:39

Dakel a Samaritano ed saman a siudad so anisiad kinen Jesus lapud impantasi to may bii nen inkuanto, Imbaga tod siak iray amin a ginagawak.

Juan 3:2

Aminsan a labi, linmad kinen Jesus. Rabi, kuanto, amta mi a sakey kan bumabangat ya imbaki na Dios. Ta anggapoy toon makagawa ed saray gagawaen mo, likud no walad sikatoy Dios.

Juan 2:11

Sayan ginawa nen Jesus dimad Cana ed Galilea et onona-ona ed saray milagron ginagawa to. Diad panamegley na sayan agawa impatnag nen Jesus so kagalangan to, kanyan anisiad sikato ray disipulo to.

Lucas 8:13

Saramay ilik a dinmapod dalin a batoy dalem to aliling day totoon ondedengel ed salitay Dios tan aawaten dan sililiket, balet ag onlalamut. Sisiaen da magano, balet no natukso ra, bigla met la ran ombetel.

Juan 4:29

Mila kid siak, ta nengneng yoy toon angibagad siak na amin a ginagawak. Sikato la kasiy Cristo?

Juan 7:26

Nengneng yo! Mansasalitad arap na karaklan et anggapo met so ibabaga ran sumlang ed sikato. Nayari kasin amtan talaga na saray manoley a sikato so Cristo?