Juan 6:56 - Maung a Balita Biblia

⁵⁶ Siopamay mangan na laman ko tan oninom na dalak, manayam ed siak tan manayam ak ed sikato.

Maung A Balita Biblia

⁵⁶ Siopamay mangan na laman ko tan oninom na dalak, manayam ed siak tan manayam ak ed sikato.

Juan 6:56 Referans Kwoze

Juan 14:20

Diad satan ya agew, naamtaan yon wala ak ed Ama tan wala kayod siak, tan wala ak ed sikayo.

1 Juan 3:24

Siopamay mangoonur na saray ganggan na Dios, mansiasiansiad Dios tan say Dios so mansiasiansiad sikato. Diad panamegley na Ispiritu ya inter tod sikatayo, amta tayo a mansiasiansiay Dios ed sikatayo.

Puyan 3:20

Dengel ka! Aka-alagey ak ed paway na puirta tan ontotoktok ak. No dengelen na siopaman so bosis ko tan lokasan toy puirta, onloob ak ed abung to tan mirongo ak ed sikato, tan mirongo ed siak.

Juan 14:23

Inmebat si Jesus, Siopamay mangarod siak, onuren to ray salitak; sikatoy aroen nen Amak tan onla kamin manayam ed sikato.

Saray Salmo 91:9

Lapud impasen mon manangyagel moy Katawan, tan manangilaban moy Sankatageyan,

1 Juan 4:12

Anggan kapigan, anggapo niy toon akanengneng ed Dios, balet no manaarowan itayo, manayam ed sikatayo so Dios tan ayadyarid sikatayoy aro to.

2 CORINTO 6:16

O antoy piparaan na Timploy Dios ed saray talintaoy diriyos? Ta sikatayoy timplo na mabilay a Dios! Onung na ibabagay dilin Dios, Miayam tan milimug ak ed sikara; siak so magmaliw a Dios da, tan magmaliw a totook ira.

TAGA-EFESO 3:17

Ontan met a manayam komuy Cristo ed puso yo, diad panamegley na pananisia yod sikato. Ipipikasik ya onlamut tan onletneg kayo komun ed aro,

Saray Tagleey 3:24

Say Katawan labat so walad siak, kanyan diad sikato so kawalaay ilalok.

Saray Salmo 91:1

Siopamay onlan onsalimbeng ed Katawan, siopamay mansiansiad silong na panangyagel na Makapanyarin-amin,

Saray Salmo 90:1

Katawan, sika lawas so abung mi diad amin ya kailalakan.

Juan 6:55

Ta say laman ko et petepeteg a kakanen, tan say dalak et petepeteg ya iinomen.

1 Juan 2:24

Pansiansia yo sirin ed puso yo so salitan nadngel yon nanlapud gapo. No pansiansiaen yoy nadngel yon nanlapud gapo, mansiansia kayo lawas ed Anak tan diad Ama.