Juan 6:30 - Maung a Balita Biblia

³⁰ Tinepet dad sikato, Anton makapakelaw a gawa so nipanengneng mod sikami, pian sisiaen mi ka? Antoy gawaen mo?

Maung A Balita Biblia

³⁰ Tinepet dad sikato, “Anton makapakelaw a gawa so nipanengneng mod sikami, pian sisiaen mi ka? Antoy gawaen mo?”

Juan 6:30 Referans Kwoze

Juan 12:37

Ag nin siansia anisia ray totoo ed kinen Jesus, anggaman ya anengneng da ray milagron ginagawa to.

1 CORINTO 1:22

Saray Judio pilalek da ray milagro a pamaneknek, tan saray Grigo aanapen da so kakabatan.

Juan 10:38

Balet no gagawaen ko ra, anggaman ya ag yo ak sisiaen, sisia yo ray kimey ko. Et diad ontan, naamtaan yo lan talaga a walad siak so Ama, tan wala ak ed sikato.

Juan 6:36

Balet imbagak lad sikayo ya anengneng yo ak la, et ag yo ak nin siansia sisiaen.

Juan 2:18

Dinmago sirin iray Judio ed sikato tan tinepet da, Anton milagro so nipanengnemg mod sikami a mamaneknek na pankatonungan mon manggawad saraya?

Saray Hebreo 2:4

Pinaneknekan met ya na Dios diad panamegley na saray tanda, saray pakelaw, saray nandoroman milagro, tan diad panamegley na saray langkap na Ispiritu Santo a sikaray iniiter to onung ed linawa to.

Saray Gawgawa 4:30

Iyonat moy limam a mamaabig, tan iyabuloy mon nagawa ray milagro tan pakelaw ed ngaran nen Jesus a masanton Aripen mo.

Marcos 15:32

Onepas pa natan ed krus so Cristo ya ari na Israel, pian nanengneng mi tan panisiaan mi la! Niludlurey met na saramay duaran nipasak ed krus, a singa sikato.

Marcos 8:11

Wala ray Pariseo a sinmingger ed kinen Jesus tan akisangsangan irad sikato. Labay dan suboken, kanyan kinerew dan manggaway sakey a milagron manlapud tawen.

Isaias 5:19

Kuanyo, Mangganat la komun so Katawan a manggawa ed imbaga ton gawaen, pian nanengneng mi. Sumpalen la komun na masanton Dios na Israel iray plano to; naamtaan mi la komun so walad kanunotan to.

1 Saray Arari 13:5

Insan biglan atemek so altar tan ataytayak ed dalin iray dapul, a singa samay impasakbay na propita diad ngaran na Katawan.

1 Saray Arari 13:3

Intuloy na samay propita ya inkuan, Natemek yan altar, tan nataytayak iray dapul to. No nagawa ya, naamtaan mod satan a nansalitay Katawan diad panamegley ko.

Exodo 4:8

Inkuan na Katawan, No ag da ka sisiaen tan ag da italtalek so ononan pakelaw, nayarin manisia la ra no nanengneng day kumadwan pakelaw.

Juan 4:8

(Saray disipulo nen Jesus linma ran agano ed baley a manaliw na pangogtoan da.)

Exodo 7:9

No say ari et kaukolan to kayon manggaway milagro a pakabirbiran na katwaan na ibabaga yo, ibagam ed Aaron ya alaen toy baston to, insan to ibontuk ed arap na ari, et magmaliw ya oleg.

Juan 6:2

Dakerakel iray totoon tinmombuk ed sikat, lapud anengneng da ray makapakelaw a ginagawa to diad impamaabig tod saray mansasakit.

Juan 6:14

Diad impakanengneng na saray totood sayan milagron ginawa nen Jesus, inkuanda, Sikato yan tua may Propita ya onsabid sankamundoan!