Juan 5:6 - Maung a Balita Biblia

⁶ Anengneng nen Jesus yan too ya akarokul diman, tan amta ton abayag lan onmay kipapasen to. Tinepet nen Jesus ed sikato, Labay moy onabig?

Maung A Balita Biblia

⁶ Anengneng nen Jesus yan too ya akarokul diman, tan amta ton abayag lan onmay kipapasen to. Tinepet nen Jesus ed sikato, “Labay moy onabig?”

Juan 5:6 Referans Kwoze

Saray Hebreo 4:15

Sayan Pangulon Pari tayo walay pililikna tod saray kakapoyan tayo, ta asali ton singa sikatayo so amin a klasiy tukso, balet ag nankasalanan.

Lucas 18:41

Antoy labay mon gawaen kon para sika? Katawan, ebat to, labay koy makanengneng.

Saray Hebreo 4:13

Anggapoy niamut ed Dios. Diad pakanengneng to, lokas tan malinew ya amin iray pinalsa, tan sikato so pangebatan tayod kabibilay tayo.

Juan 21:17

Pinitlo nen Jesus a tinepet, Simon ya anak nen Juan, inaro mo ak? Naermenay Pedro ta pinitlo nen Jesus a tinepet, Inaro mo ak? Kanyan kuantod kinen Jesus, Katawan, amtam iray amin a bengatla; amtam ya inaro ta ka! Inkuanen Jesus ed sikato, Asikasom iray karnirok.

Isaias 65:1

Say Katawan kuanto, Sipaparaan ak ya ondengel ed saray pikakasi da ray totook, balet ag ira nampikasi. Sipaparaan ak a naalmo ra, balet ag da anggan sinaliy nananap. Ag nampikasid siak so bansa, anggaman ya akaparaan ak ya onebat na Wadya ak ya ontulong ed sikayo.

Saray Salmo 142:3

Amta toy nepeg kon gawaen, no nanaekalan ak lay ilalo. Saray kalaban ko pinatitan da ak ed dalanen ko.

Jeremias 13:27

Anengneng kayo na Katawan ed panggagawa na saray bengatlan kabosul to. Anengneng to kayon tinmotombuk ed saray paganon diriyos diad saray kapokdulan tan saray kaalogan, singa kayo lakin mantitiyam na asawa na kaabay to, odino singa kayo kabayon kalakyan a mangoosil na kabatyan. Totood Jerusalem, pakaskasiy kipapasen yo! Kapigan kasiy pagmaliw yon malinis?

Juan 5:5

Walay tood man a talomplo tan waloy taon lan mansasakit.

Juan 5:7

Inmebat may toon mansasakit, Anggapoy toon mangilasur ed siak no nakimbug lay danum, kanyan no oonla ak, wala lay makaona nen siak.