Juan 4:18 - Maung a Balita Biblia

¹⁸ Ta limara lay akiamungan mo tan ag mo asawan peteg so kaamung mo natan. Imbagam ed siak so katwaan.

Maung A Balita Biblia

¹⁸ Ta limara lay akiamungan mo tan ag mo asawan peteg so kaamung mo natan. Imbagam ed siak so katwaan.”

Juan 4:18 Referans Kwoze

Jeremias 3:20

Balet singa biin aliwan matoor ed asawa to, sikay aliwan matoor ed siak. Siak, say Katawan, so nansalita.

Marcos 10:12

Mikaloguran met so biin mangisian na asawa to tan miasawad sananey.

Saray Taga Roma 7:3

Kanyan mikaloguran no miamung ed sananey a laki, anta mabilay ni so asawa to. Balet no ompatey so asawa to, bolus lad ibabagay ganggan. Anggan miasawa nid satan, ag mankasalanan na pikakaloguran.

Ezekiel 16:32

Singa ka sakey a biin akikaloguran ed saray sangkailin lalaki, anta nepeg mo komun ya aroen so asawam.

Ruth 4:10

Sakey ni, magmaliw lan asawak so balo nen Mahalon a si Ruth a Moabita. Lapud saya, mansiansiay alog ed pamilya nen Mahalon, tan mansiansia so ngaray pamilya to ed saray kakanayon to tan diad baley ton nianakan. Sikayo natan iray tasi ed saya.

Saray Bilang 5:29

Sikato yay ganggan a nipaakar ed lakin mangimon tan manginap a makakaloguran so asawa to. Say bii et paalageyen ed arap na altar tan say pari et gawaen to yan sirimonya.

Genesis 34:31

Balet inmebet ira, Ag nayarin gawaen dan singa marotak a bii si Dina ya agi mi.

Genesis 34:2

Nen anengneng nen Sikem a lakin anak nen Hamor a Heveo imbatik to, insan to pinasoot ya inakdulan.

Genesis 20:3

Aminsan a labi pinmayawar ed kogip to so Dios a kuanto, Ompatey ka, ta inalam so biin wala lay asawa to.

Saray Hebreo 13:4

Nepeg a galangen na amin a katoowan so panaasawa, tan nepeg met a matoor ed sakey tan sakey iray sanaasawa. Ta say Dios sintinsiaan to ray manggagaway inmoralidad tan saray mikakaloguran.

Juan 4:17

Anggapoy asawak, ebat to may bii. Inkuanen Jesus, Tuay imbagam ya anggapoy asawam.

Juan 4:19

Inkuanto may bii ed kinen Jesus, Nalilikas kon sakey kan propita.

Ezekiel 16:35

Natan sirin, Jerusalem, sikan marotak a bii! Dengel moy ibabaga na Katawan:

Juan 4:16

Laka, kuanen Jesus ed sikato, ta itagar mo diay asawam.