Juan 3:33 - Maung a Balita Biblia

³³ Say mangawat ed paneknek to paneknekan ton tua so Dios.

Maung A Balita Biblia

³³ Say mangawat ed paneknek to paneknekan ton tua so Dios.

Juan 3:33 Referans Kwoze

Saray Hebreo 6:17

Ontan met, pinaletay Dios so sipan to diad impansamba to, pian nipanengneng tod saray angisipanan to ya ag mansalat so getma to.

TAGA-EFESO 1:13

Ontan yo met, a nen nadngel yoy tuan salita, salanti say Maung a Balita ya angiter ed sikayoy kilalaban, anisia kayod Cristo, tan minarkaan kayoy Dios a kayaryan to diad impangiter tod sikayoy insipan ton Ispiritu Santo.

2 CORINTO 1:22

Sikato met niy ananda a kayaryan to kami, tan angiter na Ispiritu Santo ed puso mi, a kaletay panumpal tod saray sipan tod sikami.

2 CORINTO 1:18

Bangta matoor so Dios, say salita mid sikayo aliwan Andi tan On.

Juan 6:27

Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.

Juan 8:26

Dakel so nayarin ibagak tan isintinsiak nipaakar ed sikayo. Balet matwa so angibakid siak tan ibabagak ed sankamundoan so nadngel kod sikato.

Saray Taga Roma 4:11

Sikatoy sinegat a tanday impamaandi na Dios ed kasalanan to lapud pananisia to nen ag ni asegat. Kanyan si Abraham et nagmaliw a maispiritun ama na amin da ray mananisian pinaandi na Dios iray kasalanan da, anggaman ya ag ira asegat.

Saray Taga Roma 15:28

Kanyan kasumpal kon niiter la yan tulong, onsamar ak ditan no onla ak ed Espanya.

1 CORINTO 9:2

No ag birbiren na saray arum ya apostol ak, andi-duaruwan birbiren yo ak! Ta sikayon dili so pakapatnagan ya apostol ak na Katawan.

TAGA-EFESO 4:30

Ag yo papaermenen so Ispiritu Santo na Dios, ta sikatoy tanda na pankayaryay Dios ed sikayo; sakey met a kaletan na pakarondon yo no onsabiy niganan Agew.

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: Kabat na Katawan no siopa ray kayaryan to; tan, Nepeg ya onarawid kaogsan so siopaman ya ontawag ed Katawan.

1 Juan 1:10

No ibaga tayon ag itayo nankasalanan, gawaen tayon matilay Dios tan anggapod sikatayoy salita to.