Juan 21:7 - Maung a Balita Biblia

⁷ Say disipulo ya inararo nen Jesus kuantod Pedro, Say Katawan iman! Nen nadngel nen Simon Pedro a say Katawan manaya man, insolung toy kawes to (ta lakseb) insan tinmabuy ed danum.

Maung A Balita Biblia

⁷ Say disipulo ya inararo nen Jesus kuantod Pedro, “Say Katawan iman!” Nen nadngel nen Simon Pedro a say Katawan manaya man, insolung toy kawes to (ta lakseb) insan tinmabuy ed danum.

Juan 21:7 Referans Kwoze

Juan 13:23

Akasaral ed pagew nen Jesus imay inararo ton disipulo.

Juan 20:2

Binmatik a linmad kinen Simon Pedro tan say disipulon inararo nen Jesus. Inkuantod sikara, Inala rad lobuk so Katawan, tan ag mi amtay anginan dad sikato!

Juan 19:26

Anengneng nen Jesus si ina to tan say inararo ton disipulo a manalalagey diman, kanyan inkuantod kinen ina to, Sikato so anak mo.

2 CORINTO 5:14

Ta ooleyan kamiy aro nen Cristo, bangta bibirbiren min inatey so sakey a too para amin a katoowan; say labay to yan ibaga, minanabang so amin a katoowan ed impatey to.

Juan 21:24

Sikato yay disipulon amaneknek ed saraya, tan sikato niy angisulat. Tan amta min katwaan iray imbabaga to.

Juan 21:20

Linmingaw si Pedro tan anengneng ton manomtombuk imay disipulon inararo nen Jesussamay sinmaral ed pagew nen Jesus nen mamandem ira tan nantepet, Katawan, siopay mantraidor ed sika?

Saray Gawgawa 10:36

Saray Israelita so angiteray Dios na salita to. Sikaray angiteran toy Maung a Balita, a mangiter a kareenan diad panamegley nen Jesu-Cristo, a sikatoy Katawan na amin a katoowan!

Saray Gawgawa 2:36

Kanyan nepeg a naamtaan tan ag panduaruwaan na amin a totood Israel a sayan Jesus ya impasak yod krus so ginaway Dios a Katawan tan Cristo!

Lucas 7:47

Kanyan kuankod sika ya apirdona ray amayamay a kasalanan to; papaneknekan ya na impanengneng ton balbaleg a panangaro to. Balet say toon dagdaiset so kasalanan ton apirdona, dagdaiset met so panangaron ipanengneng to.

Lucas 2:11

Ta diad sayan agew, nianak ed baley nen David so Manangilaban, say Criston Katawan!

Marcos 11:3

No walay mantepet no akin et ookbaran yo ikuanyod sikato, Say Katawan nakaukolan to. Andi bali, ta paipawil to met la dian tampol.

Kanta nen Solomon 8:7

Ag naerep na danum so aro; ag nalener na anggan anton delap. Balet no walay manali a saliwen to na kayamanan to so aro, bosul lalaingen so nagunggona to.

Saray Salmo 118:23

Ginawa ya na Katawan; makapakelkelaw a nengnengen!

Santiago 2:1

Agagik, bangta mananisia kayod Katawan tin Jesu-Cristo, say mapagalang a Katawan, ag yo nepeg a labien iray arum a totoo.

1 CORINTO 15:47

Say inmonan too, nanlapud dalin, ta pinalsad dabuk; say kumadwan too nanlapud tawen.

Juan 20:28

Inkuanen Tomas ed sikato, Katawan ko tan Dios ko!

Juan 20:20

Kayari to yan imbaga, impanengneng tod sikara iray lima tan diking to. Malikeliket iray disipulo diad impakanengneng dad Katawan.

Lucas 12:35

Nakaukolan a sipaparaan kayo, ya akalislis iray kawes yo tan mandardarlang iray lamparaan yo,

Juan 21:8

Akabaloton ginmilig iray arum a disipulo a gogoyuren day iket a napnoy sira. Ag ira arawi ed gilig, sakey a siamaplon mitro labat.