Juan 21:22 - Maung a Balita Biblia

²² Inmebat si Jesus, No labay kon mambilay ya anggad ipawil ko, antoy wala ed sika? Tombuk mo ak!

Maung A Balita Biblia

²² Inmebat si Jesus, “No labay kon mambilay ya anggad ipawil ko, antoy wala ed sika? Tombuk mo ak!”

Juan 21:22 Referans Kwoze

Marcos 9:1

Inkuan ni nen Jesus ed sikara, Tandaan yo ya! Walad sikayo ray ag ompatey anggad ag da nanengneng so Panariay Dios a napnoy pakayari.

Puyan 2:25

Balet pansiansia yo ya anggad isabik iray kamaungan a walad sikayo.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

Puyan 3:11

Magano lay isabik. Asikasom iray walad sika, pian anggapoy makasamsam ed kornam.

Santiago 5:7

Kanyan, agagik, mananos kayo anggad isabiy Katawan. Imano yoy dumaralus. Aanosan ton maung ya alagdey mabmabli ran bungay dalin a daralusan to, tan say iterter na onaan tan kaonuran ya oran.

1 CORINTO 11:26

Ta kapag kanen yo yan tinapay tan oninom kayod sayan kupa, ipaamta yoy impatey na Katawan anggad ipawil to dia.

Juan 21:19

(Imbaga ya nen Jesus diad pangipaamta to no panoy ipatey nen Pedro, tan diad saya et napagalangan nen Pedro so Dios.) Insan inkuanen Jesus ed kinen Pedro, Tombuk mo ak!

Mateo 24:44

Kanyan nakaukolan a sipaparaan kayo, lapud onsabiy Anak na Too ed oras ya ag yo iilaloan.

Puyan 22:20

Ibabagay mamapaneknek ed saraya, Talagan tua! Onsabi ak lan magano! Amen. Onsabi ka la komun, Katawan a Jesus!

Puyan 22:7

Dengel kayo! kuanen Jesus. Onsabi ak lan magano. Maliket iray mangoonur ed saray salitan propisiya a nisulat ed sayan libro!

Puyan 1:7

Nengneng yo, sikatoy onsabi a walad saray lorem! Nanengneng na amin a katoowan, anggan saray anoyuk ed sikato. Lapud sikato, onermen ya amin iray katoowad tapew na dalin. Peteg a nagawa! Amen.

Mateo 25:31

No onsabin Ari so Anak na Too a kaiba to ray amin ya anghil, onyorung ed mapagalang a trono to.

Mateo 24:27

Ta say Anak na Too onsabi a singa kirmat ya onggulis ed tawen manlapud bokig ya anggad sagur.

Mateo 24:3

Nen manyodyorung si Jesus ed Palandey na Kaolibaan, linman maamut ed sikato ray disipulo. Tinepet da, Kapigan so pakagawa da ra ya, tan antoy pakapatnagan ya asingger lay isabim tan say anggaay panaon?

Mateo 8:22

Mila kad siak, kuanen Jesus, tan paolyan mo la ray inaatey a mangipompon na inaatey da.

Mateo 16:24

Inkuanen Jesus ed saray disipulo to, Siopamay malabay ya ontombuk ed siak, nakaukolan a lingwanan toy sikaton dili, sakbaten toy krus to, insan ontombuk ed siak.

Juan 21:21

Diad impakanengneng nen Pedro ed sikato tinepet to ed kinen Jesus, Katawan, sayan too balet ey?

1 TESALONICA 2:19

Ta anggapoy arum ya ilalo tan liket mi, no ag say sikayo. Sikayoy tanday impanalo mi a nayarian min ipasirayew diad arap na Katawan tin Jesus no sikatoy onsabi.

Santiago 5:8

Mananos kayo met. Pabiskeg yoy linawa yo, ta asingger lay isabiy Katawan.