Juan 19:28 - Maung a Balita Biblia

²⁸ Kasumpal to ya, lapud amta nen Jesus ya ayari lay amin a bengatla, tan pian nasumpal so ibabagay Masanton Sulat, inkuanto, Napgaan ak!

Maung A Balita Biblia

²⁸ Kasumpal to ya, lapud amta nen Jesus ya ayari lay amin a bengatla, tan pian nasumpal so ibabagay Masanton Sulat, inkuanto, “Napgaan ak!”

Juan 19:28 Referans Kwoze

Saray Salmo 69:21

Nen narasan ak, initdan da ak na samal; nen napgaan ak na, initdan da ak na toka.

Saray Salmo 22:15

Say kolukolung ko et amagaan a singa dabuk, tan ompepeket so dilak ed tawen-tawen ko. Tinaynan mo ak ya ompapatey ed dabuk.

Juan 19:30

Nen atawayan nen Jesus so alak ya anapseng inkuanto, Asumpal la! Intuek toy olo to, insan inyawat toy ispiritu to.

Lucas 22:37

Ta kuankod sikayon nepeg a nasumpal so ibabaga na Masanton Sulat nipaakar ed siak, Sikatoy nibilang a sakey a kriminal. Ta nagagawa lay nisulat a nipaakar ed siak.

Juan 19:24

Nantotongtong ira may sondalo. Inkuanda, Ag tayo ya pilaten. Pampapalaranan tayo, pian nanengneng no siopay makala. Agawa ya pian nasumpal so ibabagay Masanton Sulat: Nanaapagan da ray kawes ko, tan nampapalaranan day tunikak. Kanyan onyay ginawa da ray sondalo.

Lucas 18:31

Imbiig nen Jesus iray labinduan disipulo tan inkuantod sikara, Tandaan yo ya! Oonla tayod Jerusalem a diman nagaway amin ya insulat da ray propita nipaakar ed Anak na Too.

Juan 18:4

Amta nen Jesus ya amin iray nagawad sikato, kanyan inmabet ed sikara tan tinepet to, Siopay aanapen yo?

Juan 13:1

Bispiras la na Paskua. Amta nen Jesus a sinmabi lay oras na itaynan tod sayan mundo tan ipawil tod Ama. Inaro to ray totoo ton wadyad mundo, tan inaro to ra ya anggad kasamputan.

Saray Gawgawa 13:29

Nen kasumpal dan ginagaway ibabagay Masanton Sulat nipaakar ed sikato, inyepas dad krus tan impompon da.

Lucas 9:31

Pinmanengneng iran walay mangatatawen a liwawa, tan mitotongtong irad kinen Jesus na nipaakar ed magano lan panumpal toy linaway Dios, salanti say ipatey tod Jerusalem.

Lucas 12:50

Wala niy binyag a nepeg kon awaten, et nagunigon ak a maung ya anggad pakaawat ko!

Juan 4:34

Inkuanen Jesus ed sikara, Say kanen ko say pangonur koy linawa na angibakid siak tan say panumpal koy kimey a pagagawa tod siak.

Juan 17:4

Pinagalangan ta kad sankamundoan, tan inonur koy pagagawam ed siak.

Juan 19:36

Agawa ya pian nasumpal so ibabagay Masanton Sulat, Anggapon balut so napoter a pokel to.