Juan 19:15 - Maung a Balita Biblia

¹⁵ Inmeyag iray maksil, Patey mo! Patey mo! Ipasak mod krus! Inkuanen Pilato ed sikara, Anto, ipasak kod krus so ari yo? Inmebat iray manonan papari, Anggapoy arum ya ari mi no ag say Impirador labat!

Maung A Balita Biblia

¹⁵ Inmeyag iray maksil, “Patey mo! Patey mo! Ipasak mod krus!” Inkuanen Pilato ed sikara, “Anto, ipasak kod krus so ari yo?” Inmebat iray manonan papari, “Anggapoy arum ya ari mi no ag say Impirador labat!”

Juan 19:15 Referans Kwoze

Lucas 23:18

Balet nankakasakey ya inmeyag iran amiy totoo, Pateyen itan a too! Si Barabbas so labay min ibolus mo!

Saray Gawgawa 22:22

Anggad sayan bekta, onderengel iray totood kinen Pablo; balet kabebekta ginapoan day naneeyag-eyag. Inkuanda, Papateyen itan a klasiy too! Ag to nepeg so mambilay!

Saray Gawgawa 21:36

Tinotombuk da, tan ineyag-eyag da, Patey yo!

Juan 19:6

Kanengneng na saray manonan papari tan saray guardia, ineeyag da, Ipasak mod krus! Ipasak mod krus! Inkuanen Pilato ed sikara, Ala yo sirin tan sikayo lay makaoley a mangipasak ed sikato, ta anggapoy arumog kon kasalanan to.

Genesis 49:10

Bembenan toy baston na ari. Manoley lawas iray kabyangay boleg to. Maniter ed sikato iray bansa na buis da Tan ondakmomo ran ontoluk ed sikato.

Juan 18:31

Inkuanen Pilato, Awit yo la tan sintinsiaan yo, onung ed ganggan yo. Saray Judio kuanda, Sebel ed sikami so mamatey na anggan siopa.

Mateo 22:17

Ibagam pa sirin ed sikami no antoy isip mod saya? Sumpad Ganggan kasi so pambayar na buis ed Impirador na Roma o andi?

Saray Gawgawa 13:28

Anggaman ya anggapoy naalmo ran katonungan a panintinsiay patey ed kinen Jesus, kinerew dad kinen Pilato a papatey to.