Juan 19:10 - Maung a Balita Biblia

¹⁰ Inkuan sirin nen Pilato, Akin et ag mo labay so mitongtong ed siak? Ag mo ta amtan walay pakaoley kon mangibolus tan mangipasak ed sika?

Maung A Balita Biblia

¹⁰ Inkuan sirin nen Pilato, “Akin et ag mo labay so mitongtong ed siak? Ag mo ta amtan walay pakaoley kon mangibolus tan mangipasak ed sika?”

Juan 19:10 Referans Kwoze

Juan 18:39

Balet onung ed kaogaliyan yo, nepeg koy mangibolus na sakey a priso no Paskua. Labay yon ibolus koy ari da ray Judio?

Daniel 5:19

Mapalaloy inkatalonggaring to, kanyan manggiwgiw tan antakot ed sikato iray totoo ed amin a bansa ya anggan antoy kolor na baog da tan salita ra. Pinatey to so siopaman a toon nilabay ton pateyen; impansiansia ton mabilay iray nilabay ton bilayen. Pinagalangan tan impelag tod kababaingan so siopaman a toon nilabay to.

Juan 19:9

Linmoob lamet ed palasio tan tinepet tod kinen Jesus, Taga iner ka? Balet ag inmebat si Jesus.

Juan 19:11

Inmebat si Jesus, Wala tan a pakaoley mod siak, ta inter na Dios ed sika. Kanyan lalon ambelat niy kasalanan na toon angipalimad siak ed sika.