Juan 11:40 - Maung a Balita Biblia

⁴⁰ Inkuanen Jesus ed sikato, Ag ko ta imbagad sikan nanengneng moy pakayariy Dios no manisia ka?

Maung A Balita Biblia

⁴⁰ Inkuanen Jesus ed sikato, “Ag ko ta imbagad sikan nanengneng moy pakayariy Dios no manisia ka?”

Juan 11:40 Referans Kwoze

Juan 11:4

Balet nen nadngelan ya nen Jesus, inkuanto, Aliwan patey so pansumpalan to yan sakit nen Lazaro. Agawa yan pakagalangay Dios, pian nitanduroy Anak na Dios.

Saray Salmo 63:2

Nanengneng ta ka komun ed santuario; ipanengneng mo pad siak so ontan lan pakayarim tan kagalangan mo.

Juan 1:14

Nagmaliw a too so Salita tan akiayam ed sikatayo. Anengneng miy kagalangan to a napnoy aro tan katwaan. Inawat to yan kagalangan ed Ama, ta sikatoy bogbogtung ya Anak.

2 Saray Awaran 20:20

Diad kabkabwasan ed ontombuk ya agew saray totoo linma rad kalawakan ya asingger ed Tecoa. Legan dan oonla, nanalagey si Josafat tan kuantod sikara, Totood Juda tan Jerusalem! Manmatalek kayod Katawan a Dios yo, et ag kayo napasoner. Manisia kayod saray ibabaga da ray propita to, et manalo kayo.

2 CORINTO 3:18

Natan ta nakal lay sakbung ed lupa tayo, sikatayo lan amiy mangipatnag na marlang a kagalangay Katawan. Saman met lamlamang a marlang a kagalangan a manlapud Katawan a sikatoy Ispiritu so mangoman na nengneng tayo pian magmaliw a lalon marmarlang, anggad makapipara tayod sikato.

2 CORINTO 4:6

Ta say Dios ya angibaga, Ompaway a manlapud kabilongetan so liwawa! et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

Saray Salmo 90:16

Ipanengneng mo pad sikamin aripen mo, iray makapanyarin gawgawam; iyabuloy mo komun a nanengneng da ray kabyangay boleg mo so mapagalang a pakayarim.

Juan 9:3

Inmebat si Jesus, Nianak a bulag yan too, aliwan lapud sikatoy nankasalanan odino saray atateng to, no ag ingen pian nipatnag ed sikato so pakapanyariy Dios.

Juan 12:41

Imbaga ya nen Isaias, lapud anengneng toy kagalangan nen Jesus tan nansalitan nipaakar ed sikato.

Exodo 16:7

Diad kabwasan nanengneng yoy kagalangan na Katawan. Nadngel to ray riklamo yo a sumpad sikatoon, sumpad sikato, ta susumpalen mi labat iray bilin to.

Mateo 17:20

Inmebat si Jesus, On, ta kulang so pananisia yo. Tandaan yo ya! No walay pananisia yon anggan singa kamelag na bokel na mustasa, nayarian yon ibagad sayan palandey ya onalis, et onalis a tua. Anggapoy ag yo nagawaan!

Marcos 9:23

Inkuanen Jesus, On, no sikan dili et nayarian mo! Siopamay manisia, nayarian ton gawaey amin a bengatla.

Saray Taga Roma 6:4

Ontan sirin, inatey tan nipompon itayo a kaiba tiy Cristo diad panamegley na binyag, pian no panoy inkioli tod bilay diad panamegley na mapagalang a pakayariy Ama, mambilay ti met ed balon panagbilay.