Juan 11:15 - Maung a Balita Biblia

¹⁵ Balet lapud sikayo maliket ak ya andid man ak, pian manisia kayo. Onla tid sikato.

Maung A Balita Biblia

¹⁵ Balet lapud sikayo maliket ak ya andid man ak, pian manisia kayo. Onla tid sikato.”

Juan 11:15 Referans Kwoze

2 Timoteo 2:10

Lapud saya itetepel koy amin a bengatla, makasengeg ed saray pinilin totooy Dios, pian nagamuran da met komun so kilalaban a walad Cristo Jesus tan say andi-anggaan a kagalangan.

Juan 17:19

Makasengeg ed sikara, imbagat koy bilay kod sika, pian matway pangibagat dad bilay da.

Juan 12:30

Balet inkuanen Jesus ed sikara, Imparengel yan bosis lapud sikayo, aliwan lapud siak.

Juan 11:4

Balet nen nadngelan ya nen Jesus, inkuanto, Aliwan patey so pansumpalan to yan sakit nen Lazaro. Agawa yan pakagalangay Dios, pian nitanduroy Anak na Dios.

Juan 2:11

Sayan ginawa nen Jesus dimad Cana ed Galilea et onona-ona ed saray milagron ginagawa to. Diad panamegley na sayan agawa impatnag nen Jesus so kagalangan to, kanyan anisiad sikato ray disipulo to.

Isaias 65:8

Say Katawan kuanto, Anggapoy too a deralen to ray maung a bungay ubas; ingen gawaen to ra ya alak. Ag ko met deralen ya amin iray totookilaban ko ray manlilingkur ed siak.

Isaias 54:15

No walay ondogpad sika, ondogpa ya anggapoy abuloy ko; Natumba so siopaman ya onlaban ed sika.

1 Juan 5:13

Isusulat ko yad sikayo, pian naamtaan yo a sikayon mananisia ed ngaran na Anak na Dios et walay bilay yon andi-anggaan.

2 CORINTO 4:15

Pankaabigan yo ra yan amin a nagagawa, tan diad ikakayat na panangasiy Dios ed saray totoo, ondakel so iter dan pisasalamat a pakagalangan na Dios.

Saray Salmo 105:14

Balet ag inyabuloy na Dios a pairapen ira na anggan siopa, tan diad panangyagel tod sikara, pinapasakbayan to ray arari.

Genesis 39:5

Nanlapud saman, binindisionan na Katawan so sankapamilyaan nen Potifar, lapud kinen Jose. Binindisionan na Katawan ya amin iray walad abung to tan amin a walad saray kaalogan to.

Genesis 26:24

Diad saman a labi na intaynan to pinmayawar ed sikato so Katawan tan inkuanto, Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.

Juan 11:14

Kanyan malinew ya imbaga nen Jesus, Inatey si Lazaro.

Juan 11:16

Si Tomas a tatawagey Siping inkuantod saray kapara ton disipulo, Mila tayod Maistro, pian ompatey itayon kaiba to.