Juan 10:41 - Maung a Balita Biblia

⁴¹ dakel a totoo so linmad sikato tan inkuanda, Anggapo ray milagron ginawa nen Juan, balet tuan amiy imbabaga ton nipaakar ed sayan too.

Maung A Balita Biblia

⁴¹ dakel a totoo so linmad sikato tan inkuanda, “Anggapo ray milagron ginawa nen Juan, balet tuan amiy imbabaga ton nipaakar ed sayan too.”

Juan 10:41 Referans Kwoze

Juan 2:11

Sayan ginawa nen Jesus dimad Cana ed Galilea et onona-ona ed saray milagron ginagawa to. Diad panamegley na sayan agawa impatnag nen Jesus so kagalangan to, kanyan anisiad sikato ray disipulo to.

Juan 1:27

Ontombuk ya onsalat ed siak, balet ag ak manepeg a mangokbar na anggan bariber na sandalya to.

Lucas 12:1

Nen libo-libon totooy nantitipon, a diad karakel da et makapanggagatinan la ra, inkuanen Jesus ya onona ed saray disipulo to, Manalwar kayod libadura na saray Pariseo, salanti say pansimpisimpitan da.

Lucas 5:1

Aminsan ya agew, manalalagey si Jesus ed gilig na Dayat na Genesaret. Manleletletan ya onsingger ed sikato ray totoon ondengel ed salitay Dios.

Marcos 1:37

Nen nalmo ra inkuandad sikato, Anapen kay amin a totoo.

Mateo 14:2

Inkuanen Herodes ed saray katulong to, Si Juan a Managbinyag so tatawagen day Jesus. Inmolin binmilay, kanyan ontan lay pakayari to.