Juan 1:43 - Maung a Balita Biblia

⁴³ Diad ontombuk ya agew, linmay Jesus ed Galilea. Arumog toy Felipe tan kuantod sikato, Tombuk kad siak.

Maung A Balita Biblia

⁴³ Diad ontombuk ya agew, linmay Jesus ed Galilea. Arumog toy Felipe tan kuantod sikato, “Tombuk kad siak.”

Juan 1:43 Referans Kwoze

Juan 14:8

Inkuanen Felipe ed sikato, Katawan, ipanengneng moy Ama ed sikami, et masarag lad sikami.

Mateo 9:9

Inmalis si Jesus manlapud saman a lugar. Nen manaakar anengneng toy Mateo, sakey a sumisingil na buis, ya akayorung ed opisina to. Inkuanen Jesus ed sikato, Tombuk kad siak. Inmalagey si Mateo tan akilad sikato.

Isaias 65:1

Say Katawan kuanto, Sipaparaan ak ya ondengel ed saray pikakasi da ray totook, balet ag ira nampikasi. Sipaparaan ak a naalmo ra, balet ag da anggan sinaliy nananap. Ag nampikasid siak so bansa, anggaman ya akaparaan ak ya onebat na Wadya ak ya ontulong ed sikayo.

Juan 12:21

Inasinggeran day Felipe a taga Betsaida, Galilea, tan kuandad sikato, Kaaro, labay min napinengnengay Jesus.

1 Juan 4:19

Mangaro tayo, ta inmonan angarod sikatayo so Dios.

Juan 6:5

Tinmangway Jesus tan anengneng toy amayamay a totoo ya ondaragod sikato. Tinepet tod kinen Felipe, Iner so panaliwan tayoy ipakan tayod sarayan totoo?

FILIPOS 3:12

Ag ko ibabagan agamuran ko la ya o ayadyari ak la. Seseetan ko balet a nagamuray tumang a makasengeg na impamili nen Cristo Jesus ed siak.

Juan 1:28

Agawa ra yan amin ed Betania diad nibaliw na Jordan a pamibinyagan nen Juan.

Lucas 19:10

Ta say Anak na Too linma dian mananap tan mangilaban ed abalang.

Mateo 10:3

si Felipe tan si Bartolome; si Tomas, tan si Mateo a sumisingil na buis; si Santiago ya anak nen Alfeo, tan si Tadeo; si Simon a Patriota, tan

Juan 6:7

Inmebat si Felipe, Anggan mambiliy duan lasus a dinarion tinapay so saliwen, siansian ag ni naapisay eges dan amin.

Juan 1:35

Diad ontombuk ya agew, wadman lamet si Juan a kaiba to ray duaran disipulo to.

Mateo 4:12

Nen akabatan nen Jesus ya aprisoy Juan, pinmawil ed Galilea.

Mateo 8:22

Mila kad siak, kuanen Jesus, tan paolyan mo la ray inaatey a mangipompon na inaatey da.

Juan 1:29

Diad kaimbwasan, anengneng nen Juan si Jesus ya ondaragod sikato. Inkuanto, Nia so Kordiro na Dios a mangekal na kasalanay sankamundoan.

Juan 1:44

(Si Felipe taga Betsaida a baley di Andres tan Pedro.)

Juan 2:11

Sayan ginawa nen Jesus dimad Cana ed Galilea et onona-ona ed saray milagron ginagawa to. Diad panamegley na sayan agawa impatnag nen Jesus so kagalangan to, kanyan anisiad sikato ray disipulo to.

Juan 1:37

Nadngel ya na saramay duaran disipulo nen Juan tan akila rad kinen Jesus.