Juan 1:10 - Maung a Balita Biblia

¹⁰ Say Salita sirin walad mundo. Pinalsay Dios so mundo ed panamegley to, balet sikatoy ag amta na sankamundoan.

Maung A Balita Biblia

¹⁰ Say Salita sirin walad mundo. Pinalsay Dios so mundo ed panamegley to, balet sikatoy ag amta na sankamundoan.

Juan 1:10 Referans Kwoze

Juan 17:25

O Aman matonung! Ag ka kabat na sankamundoan, balet kabat ta ka, tan sarayan inter mod siak et amta ran imbaki mo ak.

1 Juan 3:1

Nengneng yo so ontan lan panangaroy Ama ed sikatayo! Diad kabaleg na panangaro to atawag itayon anak na Diostan saya et tua. Ag itayo kabat na sankamundoan, ta say sankamundoan ag to akabat so Dios.

1 CORINTO 2:8

Anggapoy anggan sakey a manoley ed sayan panaon so makaamta ed sayan kakabatan. Ta no amta ra komun, ag da impasak ed krus so Katawan na kagalangan.

1 CORINTO 1:21

Ta lapud kakabatay Dios, ag to inyabuloy a sikatoy nakabatay too diad panamegley na kakabatan na sankamundoan. Ingen nilabay ton ilaban iray totoon manisia diad panamegley na ipupulong min Maung a Balita ya ipapasen ya andi-kakanaan na sankamundoan.

Mateo 11:27

Inter na Amak ed siak iray amin a bengatla. Anggapoy mikabat ed Anak likud ed Ama; anggapoy mikabat ed Ama likud ed Anak tan saray labay a pangipakabatan na Anak.

Saray Hebreo 11:3

Lapud pananisia, natalusan tayon pinalsa na Dios so sankamundoan diad panamegley na salita to; kanyan saray nanengneng nanlapu rad ag nanengneng.

Juan 1:18

Anggapo nin balut so akanengneng ed Dios, balet sikatoy impaamta na bogbogtung ya Anak a Dios ya inararon maung na Ama.

Juan 1:5

Onsisindag ed kabilongetan so silew tan ag balut naerep na kabilongetan.

Saray Gawgawa 14:17

Balet ag tinmondan mangiter na pakabirbiran yod sikato, diad panamegley na kamaungan a gagawaen to. Iitdan to kayoy oran a manlalapud tawen tan maung a panagani ed niganan panaon to. Iitdan to kayoy nakan, tan papanoen toy likey iray puso yo.

Juan 5:17

Balet inmebat si Jesus ed sikara, Si Amak mankikimey anggad natan; ontan ko met.

Genesis 16:13

Tinepet nen Agar ed sikaton dili, Anengneng ko tan talaga so Dios, et mabilay ak ni? Inngaran to sirin so Katawan ya akisalitad sikato na, Dios a Mannenengneng.

Genesis 18:33

Kasumpal na Katawan ya akisalitad kinen Abraham, linma la tan sinmempet met lay Abraham.

Genesis 17:1

Nen mantaoy siamaplo tan siam si Abram, pinmanengneng ed sikato so Katawan tan inkuanto, Siak so Dios a Makapanyarin-amin. Toluk kad siak tan gawam lawas so kamaungan.

Isaias 53:3

Binabalaw tan impopolisay na totoo; intepel toy kairapan tan sulit. Anggapoy anggan onnengneng ed sikato ag inasasikaso na totoo a singa anggapoy kabaliksan ton too.

Juan 1:3

Diad panamegley to apalsa ya amiy bengatla; anggapoy bengatlan apalsa ya aliwan diad panamegley to.

Juan 1:11

Linmad dilin bansa to, balet ag inawat na saray dilin totoo to.

1 CORINTO 8:6

para sikatayo saksakey so Dios, say Ama ya amalsad amin a bengatla tan mambibilay itayon para sikato. Saksakey met so Katawan, si Jesu-Cristo, a diad panamegley to apalsay amin a bengatla, tan diad panamegley to met mambibilay itayo.

COLOSAS 1:16

Ta diad panamegley to, apalsa ray amin a walad tawen tan dalin, nanengneng man o andi, pati saray maispiritun pakayari, kakatawan, manoley, tan saray walay betang. Apalsa ray amin a bengatla diad panamegley to tan para sikato.