Josue 8:2 - Maung a Balita Biblia

² Gawa yod Ai tan say ari to so singa samay ginawa yod Jerico tan say ari to, balet natan nayarian yon alaen a kayaryanen iray kayamanan to tan saray ayayep to. Iparaan yoy idogpa yon bigla ed beneg na siudad.

Maung A Balita Biblia

² Gawa yod Ai tan say ari to so singa samay ginawa yod Jerico tan say ari to, balet natan nayarian yon alaen a kayaryanen iray kayamanan to tan saray ayayep to. Iparaan yoy idogpa yon bigla ed beneg na siudad.”

Josue 8:2 Referans Kwoze

Deuteronomio 20:14

Balet nayarin alaen yo a para sikayo iray bibii, saray ogogaw, saray ayayep da, tan saray arum a bengatlan walad siudad. Nayari yon ikana iray amin a kayaryan na saray kalaban yo. Say Katawan et inter to rad sikayo.

Probirbio 13:22

Say maung a too walay kayamanan ton ipatawir ed saray apo to, balet say kayamanan na saray makasalanan onlad saray matonung.

2 Saray Awaran 20:22

Nen ginapwan day nankanta, ginewgew na Katawan ira may sondalon ondodogpa.

Josue 6:21

Pinapatey dad panamegley na ispada iray amin a walad siudad, lalaki may bibii, malangwer may matakken. Pinapatey da met iray baka, karniro, tan saray asno.

Jeremias 51:12

Isinyas yon dogpaan iray padir na siudad na Babilonia. Paletan yo so panagguardia! Mangyan kayo na saray guardia! Mangipasen kayo na saray mansanib. Ginawa na Katawan so imbaga to lan gawaen to ed saray totood Babilonia.

Jeremias 17:11

Say toon masaol ed kuarta singa manok a poposnakan to ray ag to iniknol. Diad kabisbiskegan to nabalang toy kayamanan to, tan diad kaonuran sikatoy sakey a makulang-kulang.

Probirbio 28:20

Saray totoon maptek mambilay ira a nagnap so liket da. No maganat kan onyaman nadusa ka.

Saray Salmo 39:6

singa labat anino. Anggapoy kakanaan iray pansasagputan to; mantitipon na kayamanan, balet ag to amta no siopay mannanam!

2 Saray Awaran 13:13

Legan to ya, angibakiy Jeroboam na saray totoo to a biglan ondogpa ed saray sondalo na Juda diad beneg da; saray arum balet a sondalo to akiarapan ira.

Josue 10:28

Diad saman ya agew dinogpaan tan adakep nen Josue so Maceda tan say ari to. Pinapatey to ray amin a totoon walad siudad; anggapoy atilak a mabilay. Ginawa tod ari na Maceda so singa samay ginawa tod ari na Jerico.

Josue 10:1

Si Adonizedek ya ari na Jerusalem nadngelan to a si Josue et dinakep tan sigput ton dineral so siudad na Ai tan pinatey toy ari to a singa ginawa to ed Jerico tan say ari to. Nadngelan to met a saray totood Gabaon akikaaro rad saray Israelita tan manaayam irad kawalaan da.

Josue 8:24

Pinapatey na saray Israelita iray amin a taga Ai diad kalawakan ya angosilan dad sikara. Insan amawil irad Ai tan pinapatey da ray amin a totood man.

Josue 8:19

tan kapangitagey tod lima to, saramay totoon manaamut et pinmaway iran tampol, batik irad siudad, tan dinakep da. Pinoolan dan tampol so siudad.

Josue 8:14

Nen anengneng na ari na Ai ira may totoo nen Josue, nangganat a mibakal. Sikato tan amin da ray totoo to pinmaway iran amaarap ed Patar na Jordan ta mibakal irad saray Israelita diad pasen ya akibakalan da la nen inmona. Balet ag to amta a magano lan nadogpaan ed bandad beneg.

Josue 8:12

Amili na sakey a liman libon lalaki insan to ra pinaamut ed bandad sagur na siudad, diad nanleetan na Ai tan Betel.

Josue 8:9

Kanyan imbaki la ra nen Josue, tan linma la rad nanamutan da ed bokig na Ai, a nampegleyan na Betel tan Ai, tan nanalagar irad man. Inmogip nid kampo ed saman a labi si Josue.

Josue 8:7

Insan paway kayod inamutan yo tan dakep yo so siudad. Say Katawan a Dios yo iter tod sikayo so siudad.

Deuteronomio 3:2

Balet say Katawan kuantod siak, Ag kayo natatakot ed sikato. Ipalimak ed sikayo si Ari Og tan saray totoo to, tan amin a dalin to. Gawa yod sikato so singa ginawa yod si Sehon ya ari da ray Amorreo a nanoley ed Hesbon.

Josue 8:3

Namparaan ya onlad Ai si Josue a pati saray sondalo to. Amili na talomplon libon sankaabigan a sondalo to, insan to ra imbaki ed labi

Josue 8:8

No nala yo la, poolan yo, onung na ingganggan na Katawan. Sikara ya so ganggan ed sikayo.

Deuteronomio 2:35

Inaala tayo ray ayayep da tan saray kayamanan da ray baley da.

Josue 9:3

Balet nen saray Heveo a sikaray totood Gabaon et nadngelan day ginawa nen Josue ed Jerico tan Ai,

Josue 11:14

Saray totood Israel inaala ray amin a mabmabli ran kagawaan tan saray ayayep ed sarayan siudad tan kinakayaryan da la ra. Balet pinapatey da ray amin a totoo; anggapoy akeraan a mabilay.