Josue 4:24 - Maung a Balita Biblia

²⁴ Lapud saya naamtaan na balang sakey a too ed tapew na dalin so ontan lan kabaleg na pakayari na Katawan, tan igalang yod anggad angga so Katawan a Dios yo.

Maung A Balita Biblia

²⁴ Lapud saya naamtaan na balang sakey a too ed tapew na dalin so ontan lan kabaleg na pakayari na Katawan, tan igalang yod anggad angga so Katawan a Dios yo.”

Josue 4:24 Referans Kwoze

Saray Salmo 106:8

Anggaman ontan, inlaban to ra, onung ed insipan to, pian nipanengneng toy baleg a pakayari to.

Saray Salmo 89:13

Agaylay pakayarim! Agaylay biskeg mo!

1 Saray Awaran 29:12

Amin a kayamanan tan kagalangan manlalapud sika; diad panamegley na biskeg tan pakayarim ooleyan moy amin a bengatla. Nayarian mon pagmaliwen a matalonggaring tan mabiskeg so siopaman.

2 Saray Arari 19:19

Kanyan natan, Katawan a Dios mi, iyagel mo kami pad saray taga Asiria, pian naamtaan na amin da ray bansa ed intiron mundo a bukbukor mo, O Katawan, so Dios.

Exodo 15:16

Takot tan kebyew so niwalad sikara. Nanengneng day biskeg mo, O Katawan, et mampotiy bosaleg dan mantanyareg, anggad makadalan iray totoom ya inagwat mod inkaaripen.

Exodo 14:31

Nen anengneng na saray Israelita so baleg a pakayari ya impakana na Katawan diad impanalo tod saray Egipsio, tinakotan da so Katawan. Awalaan ira na pananisia ed Katawan tan diad aripen to a si Moises.

Deuteronomio 6:2

Legan na pambilay yo, sikayo tan saray kabyangay boleg yo et nepeg a takotan yo so Katawan a Dios yo tan onur yo ray amin a ganggan to, pian andokey so pambilay yo ed saman a dalin.

Jeremias 32:40

Misipanan ak na andi-anggaan ed sikara. Ag ak ontondan manggaway kamaungan ed sikara, tan pagmaliwen ko ran ontakot ed siak diad intiron puso ra, pian ag da ak lan balut benegan.

Saray Salmo 89:7

Sikay gagalangen ed tipon da ray masanto; manalalagey iran amin a natatakot ed sika.

2 Saray Arari 5:15

Kaiba ton amin iray totoo to nen, pinmawil ed kinen Eliseo tan kuanto, Amtak la natan ya anggapo lay arum a dios no ag say Dios na Israel, kanyan awat mo pa labat yay awit kon rigalod sika.

1 Samuel 17:46

Diad sayan agew say Katawan iyawat to kad limak; taloen ta ka tan potuten koy olom. Saray bangkay da ray sondalon Filisteo et ipakan kod saray manok tan saray ayayep. Naamtaan ed satan na intiron mundo a say Israel et walay Dios to,

Exodo 20:20

Inmebat si Moises, Ag kayo natatakot; sinmabi so Dios, ta suboken to kayo tan labay to kayon mangonur lawas ed sikato, pian ag kayo mankasalanan.

Exodo 9:16

Balet inabuloyan ta ka nin mambilay, ta labay kon ipanengneng ed sika so pakapanyarik, et diad ontan nikayat ed intiron mundo so dayew ko.

Deuteronomio 28:10

Diad satan nanengneng na amin a katoowan ed intiron mundo a say Katawan pinili to kayon dilin totoo to, et ontakot irad sikayo.

1 Saray Arari 8:60

Diad saya, naamtaan na amin a katoowan ed intiron mundo a bukbukor na Katawan so Diosanggapo lay arum.

1 Saray Arari 8:40

pian takotan ka na saray totoom legay panaon na pambilay da ed dalin ya inter mod saray lalaki ra.

Say Libro nen Job 40:9

Mabiskeg ka nen say siak? Ondadalagorug so bosis mo a singa bosis ko?

Isaias 52:10

Ikana na Katawan so masanton pakayari to; ilaban to ray totoo to, tan nanengneng ya na sankamundoan.