Josue 22:15 - Maung a Balita Biblia

¹⁵ Sinmabi ra ed dalin na Galaad, diad saray totoo na tribu di Ruben, Gad, tan say kapalduay Manases.

Maung A Balita Biblia

¹⁵ Sinmabi ra ed dalin na Galaad, diad saray totoo na tribu di Ruben, Gad, tan say kapalduay Manases.

Josue 22:15 Referans Kwoze

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!

1 CORINTO 5:4

Diad pantitipon yo, kaiba yo ak ed ispiritu. Tan lapud pakapanyariy Katawan a Jesus ed sikatayo,

1 CORINTO 1:10

Agagi, sisimbawaen ta kayo diad panamegley na ngaran na Katawan tin Jesu-Cristo: mankakasakey kayod amin a salitaen yo, pian ag kayo naapag-apag. Ayadyari komuy pankakasakey yo diad kanunotan tan getma.

Mateo 18:17

No ag to ni dengelen pati iglisia, ipasen mon sakey a Hintil o sakey a sumisingil na buis.

Isaias 63:10

balet sinumpa ra tan pinaermen da so masanton ispiritu to. Kanyan nagmaliw a kalaban da so Katawan tan nilabanan to ra.

Saray Salmo 78:8

Ag ira magmaliw a singa saray lalaki ra a matonganga tan bangar iran totoo; aliwan malet so panagmatalek dad Dios, tan ag ira nansiansian matoor ed sikato.

Esdras 9:15

Katawan a Dios na Israel, matonung ka, balet inyabuloy mon mambilay kami ni. Ipatwa mi ray kasalanan mid sika; anggapoy kanepegan min miarapan ed sika.

Esdras 9:2

Saray lalakin Judio et angaasawa ra na saray bibiin taga arum a bansa, kanyan alaukan so poli na masanton totoo na Dios. Saray pangulo tan saray opisyal so manonan, mananumlang.

2 Saray Awaran 28:13

Inkuanda, Ag yo dia aawiten ira tan a priso! Mapalalo lay impankasalanan tayod Katawan kanyan dusaen to itayo la lapud sikatoy impanpasnuk tayo. Balet natan labay yo nin aruman so kasalanan tayo.

2 Saray Awaran 26:18

ta banoen da. Inkuandad sikato, Uzias! Anggapoy kanepegan mon mamool na insinso ed Katawan. Saray papari labat a say sengeg da et si Aaron so nisaklang a manggawad saya. Taynan mo yan masanton pasen. Mankakasalanan kad Katawan a Dios, kanyan ag to panliketan itay gagawaen mo.

2 Saray Awaran 25:27

Nanlapud insumlang tod Katawan, walay komplut a pamatey ed sikato diad Jerusalem. Diad kaonuran batik ed siudad na Lakis, balet tinombuk diman na saray kalaban to tan diman da pinatey.

2 Saray Awaran 10:19

Nanlapud saman, sumpad saray manaarin kabyangay boleg nen David iray totood baybay a nanarian na Israel.

1 Saray Awaran 21:3

Inmebat si Joab, Say Katawan et parakelen to komun a maminlasus so totoo to. Kagalang kon Ari, aliwa tan aripen yo ran amin? Akin et labay yo yan gawaen tan pankasalananen yoy intiron bansa?

1 Samuel 15:23

Say isumpa ed sikato et singa kinaoges na panangipanon ed saray maoges ya ispiritu tan say panagpaatagey et singa kinaoges na panangigalang ed saray diriyos. Lapud impolisay moy ganggan na Katawan, impolisay to ka met ya ari.

Josue 22:18

Ag yo la labay ya onuren natan? No onsumlang kayo natan ed Katawan, pampasnukan to ray Israelita ed anggan arapen a panaon.

Josue 22:12

Nen nadngelan ya na saray totood Israel, nantitipon iran amin ed Silo ta mibakal irad saray tribun walad bokig.

Deuteronomio 30:17

Balet no sumlangen yo tan ag yo dengelen, tan napalingo kayon mangigalang ed saray arum a diriyos,

Deuteronomio 7:4

ompan tangguyoren da ray anak yon mangikaindan ed Katawan et mangigalang irad arum a diriyos. No ontan so nagawa, makapasnuk ed sikayo so Katawan tan pateyen to kayon tampol.

Saray Bilang 32:15

No sikayo ran totoo nen Ruben tan Gad et ag yo labay ya onuren natan so Katawan, ikaindan to lamet ed kalawakan ira yan amin a totoo, et sikayo so natetel ed pakaderal da.

Saray Bilang 14:43

No mibakal kayod saray Amalecita tan saray Cananeo, napatey kayo; ag kayo olupen na Katawan lapud ag kayo tinmoluk ed sikato.

Saray Bilang 5:6

onggendan a bilin para saray totood Israel. No say sakey a too et onsumpad ed Katawan tan manggawa na maoges ed kapara ton too,

Levitico 26:40

Balet saray kabyangay boleg yo ipatua da ray kasalanan da tan saray kasalanan da ray lalaki ra ya anumlang tan linmaban ed siak,

Levitico 5:19

Sakey yan bagat a pambayar ed kasalanan a ginawa to sumpad Katawan.

Exodo 32:8

Sinmian la rad dalan ya ingganggan kon tombuken da; nanggawa ray inmoldoran balituk a bakan kalakyan, igagalang da tan pangibabagatan da. Ibabaga ra a sikatoy dios da ya angipaway ed sikara manlapud Egipto.

Josue 22:14

Akilad kinen Finees iray samploran manonan lalaki, sakey so manlapud kapag tribu ed saray tribun walad sagur tan balang sakey ed sikara so pangulo na sakey a pamilya ed saray boleg.

Josue 22:16

Insan insalitaan day amin a totoo na Katawan ya inkuanda, Akin et ginawa yo yan kaogsan a sumpad Dios na Israel? Sinumlang yoy Katawan diad impamaalagey yod sayan altar a para sikayon dili! Ag yo la oonuren so Katawan!