Josue 2:12 - Maung a Balita Biblia

¹² Natan mansamba kayo karid ngaran na Katawan a kasian yoy pamilyak a singa impangasik et sikayo, tan itdan yo ak na tanda a napanmatalkan ta kayo.

Maung A Balita Biblia

¹² Natan mansamba kayo karid ngaran na Katawan a kasian yoy pamilyak a singa impangasik et sikayo, tan itdan yo ak na tanda a napanmatalkan ta kayo.

Josue 2:12 Referans Kwoze

Josue 2:18

Onyay nepeg mon gawaen. No looban miy dalin yo, iberber mo yan ambalangan koldon ed bintanan angilasuran mod sikami. Tawad mod abung mo ray ateng mo, saray agagim a lalaki tan amin a kabyangay pamilya nen amam.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

1 Timoteo 5:8

Balet siopamay ag mangasikasod kakanayon to, lautlad saray kabyangay dilin pamilya to, imbeneg to lay pananisia tan alabas ni nen say aliwan mananisia.

Saray Taga Roma 1:31

Makulang-kulang ira, ag da amtay misipan, anggapoy panangaro tan panangasi rad kapara ran too.

Marcos 14:44

Samay traidor initdan to ray kakaiba to na pakabirbiran da: Say anguban ko sikato man so aanapen yo. Erel yo tan no awiten yo, bantayan yon maung.

Jeremias 12:16

No diad intiron puso ra et onalig irad kabibilay na saray totook tan mansamba ra, Onung a mabilay so Katawana singa impanbangat dad saray totook a nansamba rad Baalmagmaliw iran kabyangan na saray totook tan onaligwas ira.

Ester 8:6

Panon kon nitepel so pakapatey ed saray totook, saray dilin kadalaan ko?

2 Saray Awaran 36:13

Linmaban si Sedekias ed Ari Nabucodonosor ya amasoot ed sikaton mansamba diad ngaran na Dios a magmaliw a matoor ed ari. Anawet so puso to kanyan ag nagbabawi o pinmawil ed Katawan a Dios na Israel.

1 Samuel 30:15

Ibaan mo ak pan onlad kawalaan da ray dinmogpa, kuanen David. Inmebat, Ibaan ta ka no isipan mod ngaran na Dios ya ag yo ak papateyen o ipapalima ed amok.

Josue 9:15

Akipaknaan si Josue na pikakaaro ed saray totoon taga Gabaon tan inabuloyan to ran mambilay. Sinambaan na saray pangulo da ray Israelita a tooren day impipaknaan da.

Josue 2:13

Isipan yod siak ya iyagel yoy amak tan si inak, saray agagik a lalaki tan bibii, tan amin a kabyangan na pamilya ra! Ag yo kami papapatey!

Exodo 12:13

Say dala ed saray lusek ya akapeketan na puirta et tanda a pakaamtaan ed saray abung a panaayaman yo. No nanengneng koy dala, labsanan ta kayo tan ag ta kayo pasakitan no dusaen ko ray Egipsio.

Genesis 24:9

Kanyan inyan na samay aripen so lima to ed nanleetan na saray ulpo nen Abraham ya amo to, tan sinambaan to a sumpalen to may pagagawa nen Abraham.

Genesis 24:3

Labay kon isambam, diad ngaray Katawan, say Dios na tawen tan dalin, ya ag ka mampipili na asawaey anak ko ed saray totoo diad Canaan a panaayaman ko.

Genesis 21:23

Kanyan mansamba ka dia ed imatun na Dios ya ag mo kami papalikdoen, siak, saray anak ko, tan saray kabyangay boleg ko. Matoor ak ed sika, kanyan isipan mon matoor ka met ed siak tan diad sayan dalin a panaayaman mo.

Genesis 40:14

Balet kerewen ko pad sika a no maung lay kipapasen mo et salita mo ak met ed kinen ari, pian natulongan mo ak ya ompaway ed sayan prisowan.

Josue 2:19

No walad sikayoy ompaway ed abung, kasalanan to lan diliy ipatey to, et ag kami la natetel; balet no walay toon napasakitan ed dalem na abung; sikamid satay natetel.

Josue 6:22

Insan inkuanen Josue ed saramay duaran lalakin ispia, Laka yod abung na samay marotak a bii, ipaway yo, sikato tan saray kabyangay pamilya to, onung na insipan yod sikato.

Saray Huis 1:24

Akanengneng ira yan ispia na sakey a lakin ompapaway ed siudad tan kuandad sikato, Ibagam ed sikami no panoy kaloloob ed siudad, et ag mi ka diwiten.