Josue 18:8 - Maung a Balita Biblia

⁸ Saramay lalakin apili linma ran mangimapa ed dalin kayari nen Josue ya imbilin ed sikara: Laka yod intiron dalin tan imapa yo, insan kayo dia ompawil ed siak. Kasabi yo diad Silo ipanonan ta kayod Katawan diad panamegley na pampapalaranan.

Maung A Balita Biblia

⁸ Saramay lalakin apili linma ran mangimapa ed dalin kayari nen Josue ya imbilin ed sikara: “Laka yod intiron dalin tan imapa yo, insan kayo dia ompawil ed siak. Kasabi yo diad Silo ipanonan ta kayod Katawan diad panamegley na pampapalaranan.”

Josue 18:8 Referans Kwoze

Saray Taga Roma 14:19

Kanyan nepeg tin panseetan a gawaen iray makapangiter na kareenan tan makapabiskeg na sakey tan sakey.

Josue 18:10

Impanonan ira nen Josue ed Katawan diad panamegley na impanpapalaranan, et impabetang tod balang sakey ed saramay akeraan a tribu na Israel so sakey a parti na dalin.

1 Samuel 14:41

Inkuanen Saul, Katawan a Dios na Israel, akin et ag mo ak inebatan ed sayan agew? Ebatan mo ak pa diad panamegley na sarayan bato. No say nankasalanan et si Jonatan o siak, ebat kad panamegley na Urim; balet no saray totoom ya Israel, ebat kad panamegley na Tummim. Onung ed ebat si Jonatan tan si Saul iray atoro, tan saray totoo et anggapoy kasalanan da.

Josue 18:6

Igawaan yoy mapa ira yan pitoran parti, insan yo dia iyakar ed siak. Ipanonan ta kayod Katawan a Dios yo diad panamegley na pampapalaranan.

Josue 18:1

Kayarin adakep na saray Israelita so intiron dalin na Canaan, nantitipon irad Silo, insan da inlira so Tuldan Ayamay Katawan.

Josue 15:1

Saray pamilya na tribu nen Juda naawat day onggendan a parti na dalin: Sakop na dalin da so anggad sankaarawian a pasen ed abalaten na kalawakan na Zin, diad ketegan na Edom.

Josue 13:7

Natan sirin, apag-apag mo yan dalin a kayaryanen na saray siamiran tribu tan say kapalduan tribu nen Manases.

Genesis 13:17

Natan sirin, liber mo yan dalin, ta iter kod sikan amin.

Josue 18:9

Kanyan niliber day intiron dalin ira may lalaki tan inggogolis da no panoy impangapag dan pitoran parti so dalin. Inlilista da met iray nandoroman baley. Insan iray pinmawil ed kinen Josue diad kampo ed Silo.

Isaias 34:17

Say Katawan so mangapag ed sikara na dalin tan itdan toy balang sakey na apag. Mansiansia ran manayam ed dalin, tan kayaryan da ya anggad angga.