Josue 1:9 - Maung a Balita Biblia

⁹ Ag mo lilingwanan ya ingganggan ta kan mampabiskeg na linawa tan manmatalek. Ag ka ontatakot tan ag mo pakakapoyey linawam, ta siak a Katawan a Dios mo et olupen ta ka ed iner man a laen mo.

Maung A Balita Biblia

⁹ Ag mo lilingwanan ya ingganggan ta kan mampabiskeg na linawa tan manmatalek. Ag ka ontatakot tan ag mo pakakapoyey linawam, ta siak a Katawan a Dios mo et olupen ta ka ed iner man a laen mo.”

Josue 1:9 Referans Kwoze

Genesis 28:15

Ag mo lilingwanan a wala ak ed sika tan iyagel ta kad inerman a laen mo, tan ipawil ta kad sayan dalin. Ag ta ka taynan, anggad pakasumpal kon gawaen ya amin iray insipan kod sika.

Deuteronomio 20:1

No ompaway kayon mibakal ed saray kalaban yo et nanengneng yo ray karwahi tan saray kabayo tan saray sondalon amayamay ni ra nen say sikayo, ag yo ra tatakotan. Say Katawan a Dios yo ya angipaway ed sikayo ed Egipto et kaolup yo.

Saray Salmo 46:7

Walad sikatayoy Katawan a Makapanyarin-amin; say Dios nen Jacob so salimbeng tayo.

Isaias 43:1

Say Katawan ya amalsad sika, Israel, kuanto, Ag ka natatakotiyagel ta ka. Tinawag ta kad ngaran mokayaryan ta ka.

Isaias 43:5

Ag ka nanatakotwala ak ed sika! Manlapud bokig tan sagur pasempeten ko ray totoom.

Saray Huis 6:14

Insan say Katawan ingganggan toy Gedeon, Laka, ta ipakanam so biskeg tan pakayarim a mangiliktar ed saray Israelita ed pakayari na saray Madianita. Siak a dili so mangigaganggan ed sika.

2 Samuel 13:28

tan binilin to ray aripen to: Imano yo no akainom lan maung si Amnon, tan kapangiganggan ko, patey yo. Ag kayo natatakot ta siak a dili so makaoley. Mampasebeg kayo tan ag kayo ontatalaw!

Saray Gawgawa 4:19

Balet inmebat ira di Pedro tan Juan, Sikayo lan diliy manintinsia no dinay maptek ed arap na Dios: say pangonur ed sikayo, o say pangonur ed Dios.

Deuteronomio 31:28

Pantitipon yod arap ko iray amin a pangulo na tribu tan saray opisyal, pian nibagak ed sikara yan bengatla; tawagen koy tawen tan say dalin a mantasi sumpad sikara.

Josue 1:10

Kayari to ya, ingganggan nen Josue iray pangulo

Josue 1:17

Onuren mi ka a singa impangonur mi lawas ed kinen Moises; wala komun ed sika so Katawan a Dios mo a singa inkiwala tod kinen Moises!

Josue 8:1

Say Katawan kuantod kinen Josue, Itagar mo ray amin a sondalo tan laka yod Ai. Ag kayo natatakot o nanaandiay biskeg na linawa. Panaloen ta kayo ed ari na Ai; nakayaryan yo ray totoo to, say siudad to, tan say dalin to.

Josue 10:8

Inkuan na Katawan ed kinen Josue, Ag kayo ontatakot ed sikara; impanalo ta kayo lad sikara. Anggapod sikaray nayarin onlaban ed sikayo.

2 Saray Awaran 15:7

Balet pabiskeg yoy linawa yo, tan ag yo pakakapoyey sikayon dili. Natumangan iray kimey yo.

Isaias 41:10

Ag kayo natatakotwala ak ed sikayo! Siak so Dios yoag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Genesis 39:2

Walad si Jose sa Katawan, kanyan maaligwas so bilay to. Nanayam ed abung na amo ton Egipsio.

Genesis 39:3

Anengneng na amo to a walad si Jose so Katawan, tan maung so pansusumpalay amin a gagawaen to.

Deuteronomio 31:23

Insan say Katawan akisalitad kinen Josue a lakin anak nen Nun tan inkuantod sikato, Pabiskeg moy linawam tan manmatalek ka. Ipangulom iray Israelita ya onlad dalin ya insipan kod sikara, et olupen ta ka.

Josue 1:18

Pateyen so siopaman ya onsumpad pakaoley mo tan onsumlang ed saray ganggan mo. Mampabiskeg kay linawam tan manmatalek ka!

Josue 3:7

Say Katawan kuantod kinen Josue, Lapud gawaen ko natad sayan agew, igapo na amin da ray Israelita so pamagalang dad sika a sakey a matalonggaring a too, tan nabirbir da a wala ak ed sika a singa inkiwalak ed kinen Moises.

Josue 6:27

Kaolup nen Josue so Katawan, kanyan nikayat ed intiron bansa so inkabantug to.

Josue 10:25

Insan inkuanen Josue ed saramay opisyal to, Ag kayo natatakot o nabebetelay linawa. Mampabiskeg kayoy linawa tan manmatalek kayo lapud onya so gawaen na Katawan ed amin da ray kalaban yo.

1 Samuel 10:7

No nagawa ra ya, gawam so antokaman a pagawad sika na Dios.

1 Saray Awaran 28:20

Inkuanen Ari David ed anak ton Solomon, Pabiskeg moy linawam tan ag ka natatakot. Igapom so kimey tan ag mo aabuloyan so antokaman a manebel ed sika, ta walad sika so Katawan a Dios a panlilingkuran ko. Ag to ka ikaindan; mansiansiad sika ya anggad pakasumpal moy kimey ed Timplo to.

Isaias 8:12

Ag ka mibibiang ed pankokomplut da ray totoo tan ag ka ontatakot ed tatakotan da.

Daniel 10:19

Inkuanto, Inaro ka na Dios, kanyan ag ka natatakot no ag ingen mandenen ka tan pabiskeg moy linawam. Kayari ton nansalita, lalon binmiskeg ak tan inkuanko, Ibagam ed siak so labay mon ibaga. Pinabiskeg mo ak?

Aggeo 2:4

Balet mampabiskeg kayoy linawa, sikayon amin. Ituloy yoy kimey yo, ta siak so kaiba yo.

Aggeo 2:5

Nen pinmaway kayod Egipto insipan kon siak so kaiba yo lawas. Siak ni so kaiba yo, kanyan ag kayo natatakot.