Jonas 4:5 - Maung a Balita Biblia

⁵ Pinmaway ed bokig na siudad si Jonas tan inmirung diman. Nanggawa na tarung to, nanirung ed silong to, tan inalagar toy nagawad Ninive.

Maung A Balita Biblia

⁵ Pinmaway ed bokig na siudad si Jonas tan inmirung diman. Nanggawa na tarung to, nanirung ed silong to, tan inalagar toy nagawad Ninive.

Jonas 4:5 Referans Kwoze

1 Saray Arari 19:13

Nen nadngel nen Elias insakbung tod lupa toy kolibemben to, pinmaway tan nanalagey ed wangalay ongib. Inkuan ed sikato na samay bosis, Elias, antoy gagawaen mo dia?

1 Saray Arari 19:9

Nampalabas diman na labi ed dalem na sakey ya ongib. Kabebekta akisalitad sikato so Katawan, Elias, antoy gagawaen mo dia?

Isaias 57:17

Akapasnuk ak ed sikara lapud kasalanan da tan say inkaagom da, kanyan dinusak ira tan inkaindan ko ra. Balet anawet so olo ra tan intuloy dan inonur so labay da.

Jonas 1:5

Ataktakot iray marinirod samay bapor, kanyan tinmawag na tulong ed nagsinagsin dios to so balang sakey ed sikara. Pian nalemewan ira imbabantak dad dayat iray karga ra. Legan to ya, linmad bandad dalem na bapor si Jonas, dinmokul, tan naogip na malmalet.

Jeremias 20:9

Balet no kuanko, Lingwanan koy Katawan, tan ag ak la mansalita ed ngaran to, say salitam ed satan singa apoy ya ondadalang ed pusok; kinmetket la rad saray pokel ko. Gagawaen koy anggaay nayarian kon pokpokan, balet ag ko la nayarian.

Jonas 4:4

Inmebat so Katawan, Antoy kanepegan mon mampasnuk?

Jonas 4:6

Insan pinatubo na Dios a Katawan so sakey a tanaman ya anarung ed kinen Jonas, pian ag nasalimootan. Mapalaloy liket nen Jonas lapud samay tanaman.