Jonas 3:5 - Maung a Balita Biblia

⁵ Sinisia na saray totood Ninive so impaibalita na Dios. Kanyan nampapaknaan da a manayuno so balang sakey ed sikara, tan amin a totoo, manlapud sankatageyan ya anggad sankaabebaay kipapasen, et nansolung ira na sako a pangipanengneng da a nagbabawi ra.

Maung A Balita Biblia

⁵ Sinisia na saray totood Ninive so impaibalita na Dios. Kanyan nampapaknaan da a manayuno so balang sakey ed sikara, tan amin a totoo, manlapud sankatageyan ya anggad sankaabebaay kipapasen, et nansolung ira na sako a pangipanengneng da a nagbabawi ra.

Jonas 3:5 Referans Kwoze

Lucas 11:32

Diad Agew na Okum, onalagey iray taga Ninive tan akusaen da kayo, ta nansibkelan da ray kasalanan da nen nadngel dan nampulong si Jonas. Balet kuankod sikayo a wadyay lalon makapanyari nen si Jonas!

Mateo 12:41

Diad Agew na Okum onalagey iray taga Ninive tan akusaen da kayo, ta nansibkelan da ray kasalanan da nen nadngel dan nampulong si Jonas. Balet kuankod sikayo a wadyay lalon makapanyari nen si Jonas!

Daniel 9:3

Insan masimoon ak a nampikasi ed Katawan a Dios, nankerew ak ed sikato, nanayuno ak, nankawes ak na sako, tan nanirung ak ed dapul.

Joel 1:14

Iganggan yon nagawa so sakey a panayuno; pantitipon yo ray totoo. Pantitipon yo ray pangulo tan amin da ray totood Juda. Pantitipon yo ra ed Timplo na Katawan a Dios yo tan tawag kayod sikato!

2 Saray Awaran 20:3

Ataktakot si Josafat kanyan kinerew ton iwanwan na Katawan. Insan to ingganggan a nagaway ayuno ed intiron bansa.

Saray Hebreo 11:1

Say pananisia say ag panduaruwad saray bengatlan iilaloan tan say panmatalek ed kiwawala na saray bengatlan ag nanengneng.

Saray Hebreo 11:7

Lapud pananisia, dinengel nen Noe so pasakbay na Dios nipaakar ed saray nagawan ag to ni nanengneng. Tinmoluk ed Dios; nanggaway sakey a biong, pian nilaban tan say pamilya to. Lapud saya, sinintinsiaan ton nadusay sankamundoan, tan say Dios impasen ton matonung si Noe lapud pananisia to.

Saray Gawgawa 27:25

Kanyan, kakaaro, pabiskeg yoy linawa yo! Ta sisiaen koy Dios a gawaen toy amin a nibagak siak.

Saray Gawgawa 8:10

tan panisiaan na amin a klasiy too, manlapud saray sankaabebaan ya anggad saray sankatageyan so kipapasen da. Inkuanda, Sayan laki so tatawagen a Baleg a Pakayari, say dilin pakayari na Dios.

Jeremias 42:8

kanyan tinawag ko ra di Johanan a lakin anak nen Carea, amin da ray kaiba ton pangulo na saray sondalo, tan saray arum a totoo.

Jeremias 42:1

Insan amin da ra may pangulo na sondalo, pati si Johanan a lakin anak nen Carea tan si Azarias a lakin anak nen Hosaya tan saray totoon nandoromay kipapasen da, et linma rad siak

Jeremias 36:9

Nen kumasiam a bulan na kumaliman taon na panaarid Juda nen Joakim, nanayuno iray totoo pian naala ray maung a linaway Katawan. Akibiang ed sayan ayuno iray amin a manaayam ed Jerusalem tan amin da ray linmad man a nanlapud saray baley na Juda.

Jeremias 31:34

Anggapod sikaray nepeg a mangibangat ed kabansaan to na nipaakar ed pangamta ed Katawan, ta nakabatan da ak ya amin, abeba may atagey so kipapasen da. Pirdonaen ko ray kasalanan da tan ag ko la nunoten iray ginagawa ran kaogsan. Siak, say Katawan, so nansalita.

Esdras 8:21

Diad abay na Ilog na Ahava ingganggan kon manayuno kamin amin tan mampaabeba kamin amin ed arap na Dios mi. Ingganggan ko met a kerewen min iwanwan to kami ed pambiahi mi tan iyagel to kamid kaatapan, sikami, saray anak mi tan amin a kayaryan mi.

Puyan 11:3

Ibakik so duaran tasik ya akakawes na sako, tan ipulong dan duay salitay Dios ed loob na sanlibo, duan lasus tan anemaplon agew.

Ester 4:1

Nen akabatan nen Mardokeo iray amin ya agawa pinipilat toy kawes to lapud mapalalon ermen to. Insan nankawes na sako, ininan to na dapul so olo to, tan nanakar-akar ed siudad a manogagaog tan mannangnangis na ampaipait,

Jonas 3:7

Impaibawag tod saray totood Ninive: Sikato yay ganggan na ari tan saray opisyal to: Anggapoy siopaman a mangan; amin a totoo, amin a baka, tan amin a karniro et nisebel ed sikaran mangan odino oninom.

Exodo 33:6

Kanyan nen tinaynan na saray Israelita so Palandey na Sinai, ag la ra nankanay alahas.

2 Saray Arari 19:1

Diad ermen nen Ari Ezekias nen nadngel toy imbalita da ra may opisyal to, pinilat toy kawes to, insan linmad dalem na Timplo na Katawan.